10 VJET ME REVISTËN LETRARE “QËNDRESA”

Revista “Qëndresa”, organ i Shoqatës së Shkrimtarëve “Feniks” (Preshevë, Bujanoc dhe Medvegjë), shënon dhjetë vjetorin e saj të themelimit si revistë e pavarur për kulturë dhe për letërsi. Kjo revistë deri më tani ka botuar një shumëllojshmëri të materialeve dhe është gjithpërfshirëse, e hapur edhe për shkrimtarë nga troje të tjera të ndara shqiptare.
Në të gjitha numrat deri më tani në këtë revistë ka pasur kërkesa për botim të punimeve të tyre krijues të shumtë, të cilët kanë pasur mundësi të jenë brenda kopertinave të numrave të botuar.
Brendia e këtij numri si dhe numrave të tjerë paraprakë shoqërohet me: poezi për fëmijë, për të rritur, tregime, proza poetike, poezi botërore, studime dhe kritika, aforizma dhe si kapitull të veçantë : shkrime për të rinjtë si dhe shkrime të tjera.
Vlen të theksohet se ky numër i dedikohet poetes së njohur Fehime Selimit, e cila më nuk është në mesin tonë.
Ky dhjetë vjetor revistën tonë e gjenë në gjendje të vështirë materiale për botim, por falë kontributit të madh, të një njeriu të madh, dashamirës i kulturës, atdhetar i shquar i kauzës kombëtare z. Qenan Hamdiu -Vlora, i cili që nga numri i pestë e financon revistën tonë dhe vazhdon edhe më tutje ta mbështes, për këtë redaksia e revistës në emër të lexuesve e falënderon përzemërsishtpër kontributin e dhënë.
Kujtojmë se pas revistës letrare “Panorama”, e botuar vetëm dy numra viteve të tetëdhjeta, revista letrare “Qëndresa” është e vetmja revistë letrare në Luginë të Preshevës që ka arritur deri në jubileun e saj të parë.