36 nxënës të klas së parë të sh.f. “Prof. Ibrahim Kelmendi” në Preshevë, së bashku me mësuesit dhe drejtorinë e shkollës sonë, morën pjesë në Festën e Abetares , të organizuar nga Ministria e Arsimit të Kosovës , e cila u mbajt në sallën e sporteve “Karagaç” në Pejë.
Fatosat nga Presheva, performuan mrekullueshëm mini programin e tyre, të përgatitur nga Almedina Ramizi.
Gjithashtu, Shkollës iu dorëzua Mirënjohje nga Ministrja e Arsimit të Kosovës , zonja, Arbërije Nagavci, e cila na falënderoi për pjesëmarrjen.
Drejtoria e shkollës, në emër të gjithë shkollës, nxënësve , prindërve dhe Preshevës shprehi falënderim dhe mirënjohje për ftesën në këtë ngjarje të rëndësishme gjithëkombëtare dhe mikpritjen e ofruar nga kryetari i Komunës së Pejës z. Gazmend Muhaxheri si dhe zyrtari i Ministrisë së Arsimit z. Arian Mustafa.
/Nacionali/
No Comment