Në qeverisjen e z. Ramush Haradinaj, komuna e Bujanocit pati fituar një ndihmë prej 50.000 eurosh, të cilat më në fund u shkarkuan në xhirollogarinë e komunës së Bujanocit. Kjo shumë e parave ishte dedikuar për nevojat e zhvillimit profesional të të rinjve të Komunës së Bujanocit.
Kjo ndihmë simbolike e qeverisjes Haradinaj do t’i ndihmojë sadopak të rinjtë për aftësime profesionale.
Kryetari i komunës së Bujanocit z. Nagip Arifi, lidhur me këto mjete të dala në xhirollogari të komunës shprehet:
“Vendimi i ish-kryeministrit të Republikës së Kosovës Ramush Haradinaj nr. 07/118 të 29 Janarit 2020 për ndarjen e fondeve në vlerë prej 50,000 € për nevojat e zhvillimit profesional të të rinjve në komunën e Bujanocit, u realizua përfundimisht sot.
Fondet sapo janë transferuar në llogarinë e komunës. Që nga dita e parë pas marrjes së mandatit, unë u angazhova maksimalisht në zbatimin e vendimit të ish-kryeministrit Haradinaj për të siguruar të rinjtë tanë trajnim profesional.
Dëshiroj të përfitoj nga ky rast të falënderoj Qeverinë e Kosovës, dhe në veçanti ish-Kryeministrin Z. Haradinaj, ish-Ministrin Z. Rafuni për alokimin e këtyre fondeve. Gjithashtu, në sajë të Drejtorit të Përgjithshëm të Thesarit të Republikës së Kosovës, z. Ahmet Ismaili dhe Republika e Serbisë për realizimin e këtij transferimi, të cilët nuk hezituan nga telefonata e parë që bëra me ta për të përfunduar transferimin sa më shpejt të jetë e mundur.
Unë e mirëpres një bashkëpunim të tillë dhe shpresoj se do të vazhdojë “, njoftoi Arifi.
/Nacionali/
No Comment