Këto ditë të vështira ekonomike e sociale për qytetarët tanë, për shkak të virusit vdekjeprurës korona, grupi nismëtar i disa aktivistëve në Zvicër, ka ndihmuar shumë familje në nevojë, në qytet dhe në disa fshatra të komunës së Preshevës.
Ky grup humanitar me njerëz humanistë të vërtetë vetëm në këto dhjetë ditë kanë ndihmuar 91 familje me gjëra dhe gjësende ushqimore dhe higjienike.
Ndihma e këtyre familjeve dhe e familjeve të tjera do të vazhdojë falë kontributit të bashkatdhetarëve, njerëzve me vullnet të mirë dhe kemi zgjeruar rrjetin edhe më shumë, e në ditët e ardhshme do të kemi edhe më shumë aktivitete humanitare për familjet tjera në nevojë, e numri i këtyre familjeve është i madh, duke patur parasysh mosmundësinë e qarkullimit dhe të punës, shprehen z. Shaip Bajrami nga Corrotica e Preshevës dhe z. Burhan Jahiu, po ashtu nga komuna e Preshevës, me banim të përkohshëm në Zvicër.
Ata zotohen që ky aksion do të vazhdojë edhe më tutje në mënyrë që këto familje mos të kenë bile dert për gjëra ushqimore dhe higjienike. Burhan Jahiu falënderon të gjithë njerëzit që kanë qenë, janë dhe do të jenë përkrah familjeve në nevojë…
/Nacionali/
No Comment