A është dashur (sot) të punojë tregu në Preshevë? !

OPINION

Nga: Bilall Maliqi

Pasiqë shumë vende të rajonit i kanë mbyllur të gjitha restaurantet, tregjet dhe i kanë anuluar të gjitha aktivitetet që organizohen qoftë në ambient të mbyllur, po ashtu edhe në vend të hapur, bile-bile sipas të gjitha gjasave i kanë mbyllur edhe xhamitë, e ritualet fetare, ku besimtarët t’i kryejnë në shtëpitë e tyre, ndërsa në Kosovë dhe në Serbi, dje në ditën e premte (xhuma) e kanë shkurtuar ligjeratën.

Kjo në Republikën e Serbisë nuk vlen, as për nxënësit, të cilët janë ndoshta shtresa më e rrezikuar, pasiqë ka shumë nxënës në shkolla e rreziku për t’u infektuar është shumë më i madh, kur dihet se të gjitha vendet e rajonit i kanë mbyllur shkollat për një kohë, derisa të kalojë kjo rrëmujë e koronavirusit.

Në komunën e Preshevës sot është ditë tregu dhe nuk dallon aspak nga të shtunet e kaluara, në të cilat edhe pse nuk ka edhe shumë njerëz, por prapëseprapë është dashur që të mbyllet tregu, duke e ditur mirë se në Preshevë vijnë shitës nga zona më të thella të Serbisë e mundet shumë leht të përhapet virusi edhe në komunën tonë, prandaj ky është një gabim i madh dhe i patolerueshëm. Këtë ka mundur komuna, përkatësisht drejtorati përkatës, në bashkëpunim me “Moravicën” ta mbyll përkohësisht tregun për një kohë dhe t’i ikin rrezikut nga koronavirusi, por kjo nuk ka ndodhur dhe po që se lajmërohet ndonjë rast sot, kush do ta bartë përgjegjësinë.

Shumica e kufijve janë të mbyllur, të mbyllur për shkak të ruajtjes së popullatës së tyre, prandaj duhet urgjentisht edhe shkollat të mbyllen (nëse mundet komuna dhe ka kompetencë ligjore), të jenë edhe fëmijët më të sigurt dhe prindërit më të qetë në shtëpitë e tyre.

Pra, sot tregu është dashur të mbyllet e mos të ketë frekunetim të njerëzve në vende publike ku ka shumë njerëz…