Në të gjithë globin flitet rreth Virusit Covid- 19 i njohur si Korona Virus ! Ky emër është bërë makth për çdo person. Lidhur me këtë çështje kemi intervistën e realizuar me Dr.spec Fejzulla Nebiu-n , psikiatër.
Pandemia me virusin Covid 19 të cilën mediat botërore prestigjioze e lokale shpallin çdo ditë shifra marramendëse është për t’u brengosur nga vetë fakti se çdo ditë e më shumë humbin jetën mijëra njerëz e infektohen qindra të tjerë.
Nacionali.info: Në fushën psikiatrike si mund të na shpjegoni lidhur me këtë pandemi globale që po shokon çdo cep të botës ?
Dr.spec Fejzulla Nebiu: Pandemi do të thotë e përhapur në tërë globin tokësor. Pra kjo pandemi me Covid-19 nuk po bënë dallime racore, feje, të pasur apo të varfër, por po e rrezikon mirëqenien fizike pa e lënë anash edhe atë mendore. Në fillim është parë me një mosbesim e më pastaj duke u përhapur dhe rënduar situata. Me Covid 19 fillojnë manifestimet me simptoma të stresit, frikës, të qenit në ankth e panik, çrregullim me gjumin e të gjitha këto patjetër bëjnë që njeriu të ndihet i pasigurt. Shumë kush ka planifikuar diçka ja që nuk po del të jetë ashtu: mundësia e infektimit e madhe, humbja e më të dashurve, mundësia e humbjes së vendit të punës, humbjet në biznese, prishja e rutinës, ndryshimet e mundshme në sistemin shëndetsor, ndryshimet apo rrëzimet e pushteteve e që janë të bollshme për ndryshime në aspektin mendor dhe do ketë pasoja afagjate edhe në shëndetin mendor.
Nacionali.info: Dr.Nebiu, dihet se komuna e Preshevës, gjegjësisht Lugina e Preshevës është si komuna më e pa zhvilluar në tërë territorin e Republikës madje edhe nga vendet e rajonit. Brengosja e të gjithë neve është se nga masat rigoroze të vendosura nga organet kompetente, qytetarët të cilët janë të prekur skajshmërisht nga ekonomia e ligësht dhe virusi Korona ka ngjallur pasiguri të madhe. Cila është porosia juaj në këtë rast, si duhet t’i shmangemi kësaj situate ku janë të cenuara kategori të shumta të komunës sonë për të lëvizur lirshëm?
Dr.spec Fejzulla Nebiu: Këto ditë si asnjëherë më parë më vijnë telefonata e mesazhe të shumta nga të njohurit por edhe nga të panjohurit. Secili shpreh brengën e vetë se si do ia dalim?! Sa i përket virusit besoj se do ia dalim, do gjindet bari apo vaksina. Por për traumat, stresin e ankthin do të kemi pasoja. Kufizimi i lirisë dhe lëvizjes kësaj here është për të mirën e vet luginasve, vetë personit, familjes së tij e më gjerë. Ndryshe nuk kemi si të ndërpresim zinxhirin e përhapjes. Ky virus po përhapet e po shpërndahet shumë shpejt. Kuptohet se ka humbje nga bizneset, dikush ka punu sot për sot. Na nevojitet shumë më shumë humanizëm e solidaritet. Çdo herë ka një mundësi, ja psh. : mungesa nga shkolla është zëvendsu me mësimin online apo forma tjera, kufizimi i lëvizjes jep shans mos me u ataku.
Nacionali.info: Moshat e shtyera mbi 65 vjeç, gjegjësisht ata që janë me sëmundje kronike, tani çfarë duhet të bëjnë nga kufizimet e levizjës së lirë për shkak të Covid-19, si mund ta shmangim këtë pasiguri ?
Dr.spec Fejzulla Nebiu: Moshave të vjetra dhe atyre me sëmundje kronike po ua ndihmon për të keq ky virus, por nuk po kursehen as moshat tjera sepse ky virus po ka mundësinë e përhapjes dhe shpërndarjes shumë shpejt. Kuptohet se ata ndihen më të vetmuar si asnjëherë më parë , ndihen në siklet e ankth, të pasigurt, mosha e sëmundja i bënë të pafuqishëm, nuk flejnë mirë dhe shumë simpoma tjera mendore. Prandaj na nevojitet më shumë solidaritet. Virusi nuk na ndalon me komuniku, ofrimi i ndihmave dhe barnave është mëse i domosdoshëm, por kjo të bëhet me kujdes maximal.
Nacionali.info: Si të menaxhohen këto lloj situatash dhe cilat janë këshillat tuaja preventive për periudhat vijuese ?
Dr.spec Fejzulla Nebiu : Kjo situat ka edhe disa anë pozitive: të kuptojmë se jetën duhet jetuar, afërsinë me familjen, kujdesin për femijët e të moshuarit etj. Situata mund të zbutet duke menaxhuar stresin e ankthin: merruni me gatime, tash dezinfektimi dhe higjena ashtu kështu është e domosdoshme, kthehuni disa zanateve të vjetra, lexoni , rregulloni kopshtet, bëni punë dore, ikni nga informatat jo të vërteta. Mbani distancë mes veti por mos mbani distanc sociale. Komunikoni !
No Comment