Edhe në kohën e Pandemisë së Covid 19, dhe pas lejimit të punës së tregjeve nga Shtabi për Emergjenca dhe nga Qeveria e Serbisë, sot, tregu i gjelbërt në Preshevë ishte i stërmbushur me shitës dhe me njerëz, të cilët kishin dalur të blejnë gjësende ushqimore për familjet e tyre.
Sot, edhe pse ende është në fuqi gjendja e jashtëzakonshme në tërë territorin e Serbisë dhe se duhet përmbajtur urdhëresave strikte nga shtabi i emergjencave dhe nga Qeveria, për distancën sociale nga njëri- tjetri, vendosjen e maskave dhe të dorëzave, këto nuk u vërejtën sot në treg, madje edhe afërsia me njëri-tjetrin ishte e zakonshme sikur të mos ketë fare Pandemi.
Kjo fotografi e sodit në tregun e gjelbërt të Preshevës i gjason ditëve të zakonshme para Pandemisë së Covid 19.
Në tregun tonë kishte shitës të ardhur edhe nga qendrat tjera siç është Leskoci, të cilët pas një kohe relativisht të gjatë nuk ishin në tregun tonë.
Në tregun tonë nuk u vërejt prania e forcave të rendit për ta përcjellur gjendjen faktike të tregut në kohën e Pandemisë globale…
/Nacionali/
No Comment