Këshilli Kombëtar Shqiptar në çdo kohë dhe për çdo kohë!

Shkruan kryetari i Këshillit Kombëtar Shqiptar, z.Ragmi Mustafa

Me shpalljen gjendjes së jashtëzakonshme në Serbi, Lugina e Preshevës u përfshi nga një pasiguri për shëndetin të paprecedentë, për shkak të pandemisë CoViD-19.

Këshilli Kombëtar Shqiptar ka adresuar të gjitha shqetësimet e shqiptarëve të Luginës së Preshevës. Në veçanti çështjet e arsimit, veprimtaria e së cilës është prekur drejtpërdrejtë nga masat kundër përhapjes së infeksionit me koronavirus.

🟢 Në bashkëpunim me drejtuesit e shkollave shqipe në Luginë kemi realizuar platformën e mësimit në distancë edhe në gjuhën shqipe, janë video-regjistruar dhe pastaj emetuar mbi 300 njësi mësimore nga mësimdhënësit e shkollave fillore – heronjtë!. Si dhe janë dakorduar mënyra e komunikimit dhe organizimit të mësimnxënjes përmes programeve IT.

🟢 Me kërkesë të KKSH-së, Ministritë e Arsimit nga Republika e Kosovës dhe Shqipërisë, është mundësuar qasja në platformat online të të dyja shteteve edhe për nxënësit e Luginës dhe krijimi i platformës së veçantë të mësimit në distancë me Ministrin e Arsimit të Republikës së Serbisë

🟢 Riatdhesimi i studentëve të Luginës nga Turqia në shtëpitë e tyre, pa I futur të njëjtit në karantinë.

🟢 Riatdhesimi i studentëve nga Shqipëria në shtëpitë e tyre pa I futur të njëjtit në karantinë.

🟢 Kontakt të vazhdueshëm me diasporën e Luginës dhe asistim në qartësim të procedurave të riatdhesimit.

🟢 Filluam fushatën me këmbëngulje për pako ekonomike për shqiptarët e Luginës nga shteti i Kosovës dhe ai i Shqipërisë. U akorduan një shumë prej 500 mijë eurove nga Qeveria Republikës Kosovës shumë shpejt edhe nga ajo e Shqipërisë.

🟢 Pa shpërqendrim edhe në kohë pandemie nga prioritetet tona. Nëntë komplete të teksteve nga Shqipëria u aprovuar nga Ministria e Arsimit të Republikës së Serbisë, për përdorim në shkollat shqipe të Luginën . (botime Cambridge, Oxford, etj…)

E shumë angazhime tjera.

🔴 Gjendja e jashtëzakonshme po largohet me një bilanc të të infektuarve sipas statistikave të covid19.rs : Presheva – 4, Bujanoci – 6 & Medvegja – 4. Të dhëna këto të përgënjeshtruara nga autoritetet lokale.
Megjithatë, këto komuna mbetet ndër komunat me numrin më të ulët të të testuarve për CoViD-19.

🔴 Bëj thirrje të respektohen masat dhe rekomandimet e epidemiologëve dhe OBSH-së: të ruajmë distancën, të mirëmbajtjmë higjienën dhe të jemi të kujdesshëm pasi që pandemia nuk është larguar akoma.

🔴⚫ Këshilli Kombëtar Shqiptar do të vazhdojë të jetë në nivelin e detyrës. I gatshëm në çdo kohë të avokoj edhe të gjitha çështjet që lidhen me shqiptarët e Luginës së Preshevës.