Paralel aksionit madhor për ndërtimin e shtëpive, ndihmës për të prekurit e tragjedisë nga tërmeti në Shqipëri Fondi Humanitar i Luginës së Preshevës, ka bërë edhe përgatitjet e saj për të ndihmuar edhe familje në nevojë në këtë kohë Pandemie dhe për muajin të shenjtë të Ramazanit, në Preshevë, Bujanoc e Medvegjë.
Fondit në këtë situatë të jashtëzakonshme iu bashkangjiten një numër i konsiderueshëm i bashkatdhetarëve me një shumë të konsiderueshme, ku do t’i dhurohet një pjesë e kësaj shume nga një pako për Bajram të Madh më 24 maj, të gjithë 64 familjeve që u kanë ndërtuar shtëpitë në Preshevë, Bujanoc dhe Medvegjë.
Pakot me ndihma për këto 64 familje vijnë nga të hyrat në xhirollogarinë e Fondit në kuadër të aksionit humanitar, por edhe nga kontributi dhe iniciativa në emër të Fondit nga z. Muhamet Ibrahimi që me rrethin e tij familjar e shoqëror që e ndihmuan dhe mbështetën duke iu bashkuar thirrjes së tij për të ndihmuar familjet më në nevojë në këtë muaj të shenjtë.
/Nacionali/
No Comment