Poeti nga Miratoci i Preshevës në librin “Autorë dhe vepra”!


Poeti Jashar Esati nga fsahti Miratoc i komunës së Preshevës, i cili përkohësisht jeton dhe vepron në SHBA, është i prezantuar në një libër të veçantë përzgjedhës me titull “Autorë dhe vepra” i autorit nga Lugina, Adnan Mehmeti.

Poeti Jashar Esati kohët e fundit është mjaft aktiv sa i përket veprimtarisë së tij qoftë poetike dhe në prozë.

Ky është një sukses i mirë për poetin Esati, dhe për Luginën në përgjithësi.

Pak biografi

Jashar Esati, lindi në vitin 1956 në fshatin Miratoc të Komunës së Preshevës. Shkollën fillore e ka kryer në vendlindje, kurse të mesmen e ka mbaruar në Preshevë. Më tej ka vazhduar studimet e larta në Fakultetin Ekonomik në Universitetin e Prishtinës në vitin 1981.

Punoi  profesor në gjimnazin  “Skënderbeu” të Preshevës deri në  vitin 1984.

Më tej ka punuar në Kooperativën Bujqësore  “Ostrovica” të Preshevës si shef i kontabilitetit deri në vitin 1991. Pas pak kohe  bëhet drejtor i kësaj kooperative deri në vitin 1999 ku emigron në SHBA ku aktualisht jeton dhe punon. Pasioni për letërsinë dhe, sidomos për poezinë i ka lindur që herët Jashar Esatit. Ka botuar deri më tani tetë libra në poezi dhe në prozë.

/Nacionali/

Previous Në Banjën e Bujanocit punëtorët testohen për COVID-19 ...
Next Rritet numri i të infektuarve me COVID-19 në Bujanoc

No Comment

Leave a reply

Your email address will not be published. Required fields are marked *