Përveç në postë dhe në bankën e vetme komerciale, filiala Preshevë, në të cilat vërehen radhë të gjata të njerëzve për t’i kryer punët e tyre rreth pagesave dhe tërheqjes së parave, ky fluks i gjatë i njerëzve nevojtarë vërehet edhe pranë stacionit policor në Preshevë.
Për shkak të Pandemisë COVID 19, puna rreth shërbimeve të njerëzve që presin është paksa më i ngadalësuar, për këtë po krijohet tollovi pranë këtij institucioni.
Njerëzit presin për shërbime: të letërnjoftimit, pasaportës, regjistrimit të veturave, ndërrimi lejes së veturave, marrja e vendqëndrimeve etj., ku shërbimet kryhen brenda një lokali, por resoret e ndara.
Vlen të theksohet se stacioni policor në Preshevë, përkatësisht resori për dorëzim dhe dhënie të letërnjoftimeve dhe të pasaportave këto ditë është duke punuar me orar të zgjatur deri në ora 22.00 e mbrëmjes.
Të gjithë qytetarët që presin para portës ku qëndron polici kujdestar i cili merret me mbajtjen e rendit, janë të pajisur me maska mbrojtëse dhe me dorëza, por distanca sociale me njëri-tjetrin mungon, shkaku i një numri të madh të njerëzve që presin t’i kryejnë punët e tyre në pikat e caktuara…
/Nacionali/
No Comment