Ministri në detyrë i Republikës së Shqipërisë, Gent Cakaj, pas njëmaratone takimesh me krerët e komunave dhe me partitë politike që janë pro pjesëmarrjes në zgjedhje parlamentare në parlamentin serb, sot vizitoi edhe selinë e KKSH-së, ku mirëprit nga kreu i këtij institucioni z. Regmi Mustafa, nga zv. kryetari z. Enver Mehmeti, kryetari i ekzekutivit, z. Amir Latifi dhe nga anëtarët e organit ekzekutiv të KKSH-së.
Ministri Cakaj në fjalën e tij tha se kjo ishte edhe dëshira edhe detyra e tij që ta vizitojë KKSH-në dhe të njihet më përsëafërmi me të arriturat dhe objektivat e Këshillit.
Kryetari Mustafa e falënderoi ministrin Cakaj për vizitën që i bëri organit më të lartë përfaqësues të shqiptarëve në Republikën e Serbisë.
Ai para ministrit Cakaj pasqyroi problemet dhe të arriturat e KKSH-së, duke e falënderuar edhe për ndihmën që shteti shqiptar i ka dhënë KKSH-së dhe vazhdon edhe më tutje ta mbështes me mjete financiare.
Zv. kryetari i KKSH-së z. Enver Mehmeti shprehi shqetësimin lidhur me cenimin e të drejtave të shqiptarëve, për flamurin kombëtar, ku për çdo përvjetor feste paguajmë dënime dhe nënvizoi se pavarësisht agjendes është dashur të takohesh edhe me kreun e opozitës, kryetarin e PDSH-së z. Ragmi Mustafa.
Ministri Cakaj pastaj do ta vizitojë edhe komunën e Medvegjës, ku do të takohet edhe me asambleistët shqiptar të Medvegjës dhe me biznesmnemin e njohur dhe pronarin e fabrikës AFEDS, z. Muharrem Salihun…
/Nacionali/
No Comment