Ministri në detyrë për Evropën dhe Punët e Jashtme, z.Gent Cakaj përmes një postimi ka bërë të ditur që se bashku me Këshillin Kombëtar Shqiptar pritet të përpilojnë një plan të përbashkët veprimi për të ndihmuar sektorë të ndryshëm në Luginë të Preshevës.
Ai është shprehur falënderues për bashkëpunimin e vazhdueshëm që ka gjetur në këtë institucion nga kryetari i KKSH-së, Ragmi Mustafa si dhe për punën e pakursyer të këtij institucioni.
Gjithashtu ai u shpreh falënderues për Mirënjohjen që i ndau Këshilli Kombëtar Shqiptar për qasjen proaktive ndaj shqiptarëve të Luginës së Preshevës.
Më poshtë gjeni postimin e plotë të tij.
Në Bujanoc u takova edhe me krerët e Këshillit Kombëtar Shqiptar për të biseduar për gjendjen e shqiptarëve në Luginë dhe shqyrtuar mundësitë e mbështetjes së tyre!
Bashkërisht do të përpilojmë një plan të përbashkët veprimi për të ndihmuar disa sektorë kyç për Luginën e Preshevës! Këtu më duhet të falënderoj gjithsesi Kryetarin e Këshillit, z. Ragmi Mustafa, për punën e pakursyer e bashkëpunimin e vazhdueshëm në këtë drejtim!
Patjetër, këtu duhet të hapim Konsullatën e Përgjithshme për të mundësuar një lidhje më të fortë mes Shqipërisë e shqiptarëve dhe me diplomacinë tonë do të kemi shumë shpejt masa shtesë për të forcuar marrëdhënien me diasporën e Luginës!
Mbetem pafundësisht falënderues për mirënjohjen që na ndau Këshilli për punën që kemi bërë për Luginën 🙏…
No Comment