Në mbledhjen e mbajtur Qeveria e Kosovës ka vendos se nga 22 qershori të hapen të gjithë kufijtë tokësorë.
Qeveria e Kosovës ka votuar që më 22 qershor të hapen edhe pikat kufitare në Qafë-Prush, Qafë-Morinë, Muçibabë e Mutivodë.
Ministri i Shëndetësisë, Armend Zemaj, gjatë prezantimit të tij ka kërkuar që ky vendim të hyjë në fuqi menjëherë dhe i cili do të fillojë të zbatohet më 22 qershor.
Sipas Zemajt, kjo kërkesë për ndryshim është bërë për shkak të fluksit të qytetarëve.
Ministri Zemaj kërkoi nga qytetarët që të vazhdojnë të zbatojnë të gjitha rekomandimet e MSH-së dhe të IKSHPK-së për mbrojtjen nga përhapja e virusit korona.
Ai po ashtu theksoi se gjatë ditës së sotme do të publikohet edhe manuale për mbrojtjen nga përhapja e virusit, manual ky i cili, sipas Zemajt, do të zbatohet në përpikëri nga të gjitha institucionet, qofshin shtetërore ose private.
Theksojmë se deri më tani kufijtë tokësorë, të cilët kanë qenë të hapur, janë: Dheu i Bardhë, Vërmica, Merdara dhe Jarinja.
/Nacionali/
No Comment