Nga: Nacionali.info
Vështirësitë e paraqitura në Luginë të Preshevës, ditëve të fundit, me pandeminë COVID-19 duke u rritur dukshëm numri i të infektuarëve, meqë deri para pak ditësh nuk kishte asnjë të infektuar, ka shqetësuar në masë të madhe banorët e këtushëm.
Mirëpo, nisur nga fakti se në qytetet përreth ka nisur të bie numri i të infektuarëve me këtë pandemi, jep shpresë se edhe në Luginë COVID-19 së shpejti do të mposhtet.
Sidoqoftë qytetarët duhet të ndjekin me shumë kujdes preferencat dhe udhëzimet e organeve shëndetësore në mënyrë që këtë luftë ta fitojmë sa më shpejtë dhe me sa më pak humbje.
Se vërtetë ditët (sidomos nga e mërkura 15.07.2020) që kemi lënë pas, ishin në favor të shqiptarëve, kudo që ata jetojnë, për çka edhe këtë javë po e quajmë “JAVA SHQIPTARE”, flasin vetë argumentet e mëposhtme:
Shqiptarët faktor i pamohueshëm në Maqedoninë Veriore
Të mërkurën, më 15 korrik në Republikën Maqedonia e Veriut, fqiun tonë jugor, u mbajtën zgjedhjet parlamentare, në të cilat morrën pjesë gjithësej 15 parti politike, koalicione apo grupe. Nga kampi shqiptar në këto zgjedhje forcat e tyre i matën Bashkimi Demokratik për Integrim i Ali Ahmetit, Partia Demokratike Shqiptare e Menduh Thaçit, Koalicioni Aleanca për shqiptarët e Zijadin Selës dhe Alternativa e Afrim Gashit si dhe Lëvizja Besa e Bilall Kasamit e cila ishte në listë të përbashkët me LSDM-në e Zoran Zaevit dhe disa partive tjera maqedonase, në Koalicionin “Mundemi”.
Pas përfundimit të proçesit zgjedhor, i cili sipas vëzhguesve vendor dhe ndërkombëtar u cilësua si i rregulltë me shumë pak lëshime, partitë dhe koalicionet shqiptare morrën numër më të madh të deputetëve sa kishin në mandatin e kaluar. Disa nga ta arritën suksesin që as vetë nuk e kishin pritur, kështu p.sh.:
Bashkimi Demokratik për Integrim i Ali Ahmetit, nga gjithësej 931.369 votues sa kishin votuar, morri mbi 107.000 vota apo 15 deputet (kishte 10),
Partia Demokratike Shqiptare e Menduh Thaçit, morri mbi 14.000 vota apo 1 deputet,
Koalicioni Aleanca për shqiptarët e Zijadin Selës dhe Alternativa e Afrim Gashit, morrën mbi 83.000 vota apo 12 deputet,
si dhe Lëvizja Besa e Bilall Kasamit, arriti të fiton 4 deputet.
Pra, nga 21 deputet shqiptar (përfshi këtu edhe deputetin shqiptar të LSDM-së) sa ishinnë mandatin e kaluar, tani blloku shqiptar ka gjithësej 28 deputet (BDI-15, AA-12, PDSH-1).
E nëse këtyre ua shtojmë edhe 4 deputet të Lëvizjes Besa dhe 1 të LSDM-së, gjithësej deputet shqiptar në Parlamentin e Maqedonisë së Veriut do të jenë 33 nga 120 sa numron Parlamenti.
Pas kaq shumë vitesh Komuna e Bujanocit e udhëhequr vetëm nga shqiptarët …
Të premtën, më 17 korrik në Bujanoc u nënshkrua marrëveshja për bashkëqeverisje…
Pjesë e kësaj marrëveshje ishin të gjitha subjektet politike shqiptare të cilat garuan në zgjedhjet e 21 qershorit në Bujanoc, në të cilat zgjedhje nga 41 vende sa numron Kuvendi komunal i Bujanocit,
Partia Demokratike e Nagip Arifit fitoi 10 mandate këshilltarësh,
Partia për Veprim Demokratik e Shaip Kamberit fitoi 8 mandate,
Lëvizja e Progresit Demokratik e Shqipërim Musliut fitoi 4 mandate, Alternativa për Ndryshim e Arbër Pajazitit fitoi 3 mandate
dhe Unioni Demokratik Shqiptar i Basri Veselit fitoi 1 mandat.
Pra, nga gjithësej 41 këshilltarë, shqiptarët në Bujanoc do të kenë 26 ndërsa pjesa tjetër do të jetë për serbët dhe romët.
Mirëpo ajo që është temë e kësaj përmbledhje nuk janë vetëm numrat, por qëllimi i premtimit të subjekteve politike shqiptare gjatë fushatës, të cilët kishin premtuar se nëse do të kenë numra do të krijojnë shumicë shqiptare në qeverisjen e Bujanocit, premtim të cilin edhe e finalizuan të premtën, duke nënshkruar marrëveshjen në të cilën parashihen edhe ndarja e posteve drejtuese në ekzekutivë e legjislativë si dhe në institucionet ku zgjedhjet dhe emërimet i bënë pushteti lokal i Bujanocit.
Sipas burimeve tona brenda subjekteve nënshkruese të kësaj marrëveshje, Seanca konstituive e Kuvendit të ri të Bujanocit, ku edhe do të zyrtarizohet kjo marrëveshje, do të mbahet gjatë javës së ardhshme.
Rikthimi i Presidentit Thaçi pas 4 ditë interviste ne dhomat e specializuara.
Të premtën, më 17 korrik nga Haga për në Prishtinë, pas intervistimit katër ditor në Prokurorinë e dhomave të specializuara, është kthyer Presidenti i Republikës së Kosovës Hashim Thaçi.
Ai pas përfundimit të intervistimit deklaroi se “Jam munduar të sqaroj informacione për rolin tim gjatë luftës, gjatë periudhës që mbulon mandati i Gjykatës Speciale. Kam qenë i shoqëruar nga Ambasadori Prosper në cilësinë e avokatit. Dëshmia ime ka zgjatur shumë, por konsideroj se kemi pasur seanca produktive. I mbetet prokurorit dhe gjykatësit që ta vlerësojnë me paanshmëri.
Nëse vlerësojnë në mënyrë të ndershme lehtë mund të vijnë në përfundim se unë nuk kam bërë asnjë lloj krimi apo shkelje të pretenduar.
Askush nuk mund ta rishkruajë historinë”.
/Nacionali /
No Comment