Nga vjeshta mësimi edhe nëpër shkolla edhe në distancë
Ministri i Arsimit Mladen Sarcevic ka thënë se është duke u punuar intenzivisht në përgatitjen e modeleve të ndryshme të mësimit që nga vjeshta, ku nxnënësit më të vjetër ( kl 5 deri në klasën e tetë) si dhe nxënësit e shkollave të mesme me siguri do kenë nga dy javë mësim nëpër shkolla dhe nga 2 javë të tjera mësim nga shtëpia. Kurse filloristët nga klasa e parë deri në të katërtën do mbajnë mësim në shkolla gjatë gjithë kohës,ose 3 javë do ndjekin mësimin në shkolla dhe një javë nga distanca.
Ky vendim vije pas numrit ende të lartë të të infektuarve me covid-19 në Serbi, me rreth 400 raste ditore të konfirmuara.
Kujtojmë se që nga marsi i këtij viti deri në përfundim të vitit shkollor mësimet janë mbajtur në distancë, me forma të ndryshme , nga mësimi përmes zoom deri tek video incizimet e orëve dhe të njëjtat janë transmetuar në televizionin publik të Serbisë, kurse për nxënësit shqiptar të Luginës, me organizimin e Këshillit Kombëtar Shqiptar në bashkëpunim me drejtorët e shkollave është bërë regjistrimi dhe më pas transmetimi në televizionet në gjuhën shqipe në Luginë të Preshevës, si dhe transmetimi online në kanalin zyrtar të KKSh i 324 njësive mësimore nga 63 mësimdhënës shqiptar të shkollave shqipe.
/Nacionali/
No Comment