Shoqata e mjekëve e Luginës vepron me aktivitetet e saj në tërë territorin e Luginës së Preshevës. Edhe në kohë të pandemisë COVID 19.
Kryetari i kësaj Shoqate Dr. Bekim Arifi dhe nënkryetari i saj Dr. Beqir Nuhiu, mbrëmë drejtpërdrejt në studion e RTV ALDI, folën për situatën e epidemiologjike në Preshevë, Bujanoc dhe në Medvegjë, masat mbriojtëse dhe mundësia e parandalimit të përhapjes së mëtutjeshëm të virusit vdekjeprurës, Virusi Korona.
Të dy mjekët folën për masat shtrënguese në dy komunat tona, duke thënë se këto masa është dashur të vendosen edhe më parë duke parandaluar infektimet e mëtutjeshme.
Dr. Bekim Arifi në përgjigjet e tij ishte shumë i qartë duke përkrahur masat e jashtëzakonshme që nga muaji mars që shteti e vuri. Por ai më tej shtoi se gjatë fushatës parazgjedhore të zgjedhjeve pati një lëshim të madh, duke mos i përdorur dorëzat , maskat mbrojtëse dhe gjatë zgjedhjeve distanca sociale nuk ishte në nivelin e duhur.
Dr. Beqir Nuhiu, foli lidhur me mungesat e masave preventive si: respiratorët edhe pse për këtë duhet hapësirë dhe duhet njerëz kompetentë për të punuar, mungojnë dorëzat, dezinfektuesit, antibiotikët, shiringa, kanilla etj.
Ai më tej shtoi, është dashur më herët të parashihet bartja e maskave nga shtabi për gjendje të jashtëzakonshme.
Në Preshevë, sipas Dr. Beqir Nuhiut, mbi 50 raste të shënuara, ku për fat të keq numri i tyre do të rritet.
Edhe kryetari i shoqatës “Mjekët e Luginës” Dr. Bekim Arifi dhe nënkryetari i saj Dr. Beqir Nuhiu, porositën popullatën që të mos hezitojnë të lajmërohen në COVID ambulantat, pa frikë dhe do të trjtohen mirë për ta eliminuar dhe parandaluar shtrirjen e mëtutjeshme të virusit, sepse sipas tyre virusi korona nuk zgjedh njerëz, moshë apo enti, por ai mund të zgjerohet pamëshirshëm. Në Bujanoc, sipas Dr. Bekim Arifi, nga 15 korriku, çdo ditë lajmërohen nga 80 pacienta , por nuk është e thënë që të gjithë të jenë të infektuar. Situata është më alarmante në Bujanoc sesa në Preshevë.
Të dy mjekët porositën, që të bëjnë kujdes maksimal duke respektuar në përpikmëri masat mbrojtëse dhe ata që kanë simptoma të lajmërohen në COVID ambulancat, të gjithë ata që lajmërohen me simptoma dhe të tillët do të jenë të mbrojtur nga zbulimi i emrave të tyre.
/Nacionali/
No Comment