Abdurrahim Bajrami: Edhe në kohë pandemie aktivitetet nuk kanë munguar

Adi Bajrami: Gjatë gjithë kësaj kohe, organizata jonë – “Kërko të drejtën tënde”, ka qenë aktive me aktivitete në shërbim të qytetarëve te Luginës së Preshevës. Dihet se virusi covid 19 e ka prekur të gjithë botën, aq më shumë edhe neve, të cilët jetojmë në ballkan, një pjesë shumë e madhe e njerëzimit janë duke u ballafaquar me shumë veshtirësi socio-ekonomike. Edhe bizneset tona, dihet se kanë pritur shumë per këtë vit, mirëpo me shfaqjen e virusit COVID 19, ata tani më për këtë vit janë duke u ballafaquar me humbjet më të mëdha financiare, e disa jane duke u ballafaquar me vështirësi edhe më të mëdha që pritet deri ne falimentimin e firmave apo bizneseve te tyre.

Adi Bajrami: Duke u përballur me realitetin e ditëve te sotit, organizata jonë ,, Kërko të drejtën tënde’’ deri më tani në bashkëpunim me diasporën tonë, mërgimtarët tanë, e disa biznesmene, ia ka arritur të bëjë shpërndarjen e ndihmave me pako ushqimore e higjienike në më shumë se 300 familje, në të gjitha fshatrat e komunës së Preshevës.Gjithashtu, jemi duke bërë dhe shpërndarjen e rrobave për fëmijë të sapolindur deri ne 7 vjeç, për ato nëna që rrisin fëmijët jetim dhe s’kanë të ardhura. Këto rroba i kemi pranuar falas nga disa familje, të cilët kanë shprehur deshirën të na besojnë neve shpërndarjen e rrobave. Ne po përballemi me sfidat, me të cilat përballen e gjithë popullata jonë.

Nacionali: A keni zhvilluar ndonjë aktivitet në këtë gjashtë mujor?

Adi Bajrami: Para shpalljes së gjendjes së jashtëzakonshme, në muajin shkurt të vitit 2020, katër (4) të rinj nga komuna e Preshevës dhe komuna e Bujanocit përfaqësuam dhe prezantuam Luginën e Preshevës në projektin e mbështetur nga Erasmus+ e cila është mbajtur nga data 10 – 17 shkurt, ne qytetin e Durrësit, ku të gjitha harxhimet ishin të mbuluara nga partneri përfitues i projektit, organizata RIAS Shqipëri. Pas ndjekjes së ketij trajnimi, ne kemi realizuar një aktivitet nje (1) ditor në komunë të Preshevës, ku prezent ishin 37 të rinj, nxënës, përfaqësues të shoqërise civile, përfaqësues nga Këshilli Kombëtar Shqiptar, etj., ku patëm mundësinë të gjithë njohuritë e fituara nga trajnimi të cilin e patëm mbajtur në Durrës, ta shpërndajmë me të rinjtë tanë, nga të cilët presim që në të ardhmen të jenë më aktiv dhe kontribuesit më të mëdhenj të shoqerisë sonë. Gjithashtu të hënën më datë 03.08.2020, në bashkëpunim me ojq-nga Bujanoca, mërgimtarët tanë do të bëjmë shpërndarjen e qindra e qindra maskave për mbrojtje nga virusi Covid 19, dezinfektues të shumtë, etj.

Nacionali: Cilat janë planet organizative për Shoqatën tuaj, për vitit 2020?

Adi Bajrami: Brenda këtij viti 2020, kemi dhe shumë aktivitet e projekte të tjera për t’i realizuar, ku sigurisht ju bëjmë ftesë dhe juve si perfaqesues të Këshillit Kombëtar Shqiptar të na nderoni me pjesëmarrjen tuaj, dhe të kontriboni në realizimin sa më të suksesshëm te projekteve dhe aktiviteteve tona. Njëherit ju falënderojmë për mbështetjen që na keni ofruar brenda këtyre viteve! Për më tepër ju ftojmë të na ndiqni në faqen tonë të facebook-ut, ku në çdo aktivitet tonin jemi transparent, me foto video te aktiviteteve dhe ëdo gjë tjetër! www.facebook.com/tcp.org