Doli nga shtypi libri më i ri i poetit dhe studiuesit të njohur në mbarë hapësirën shqiptare Prend Buzhala, me titull, “Rrëfime nga izolimi” në të cilën kanë shkruar tregime me temë virusin korona apo Covid 19, shkrimtarë nga mbarë gjeografia shqiptare.
Shkrimet e këtij vëllimi përbëhen nga tregime të shkurta, por edhe nga ese, kronika e përsiatje, të cilat i ka mbledhur dhe i ka sistemuar në një libër të rrallë dhe të veçantë. Autori i përmbledhjes, Buzhala, në secilin tregim ka bërë komente kritike lidhur me vlerën artistike të atij tregimi, eseje, apo kronike.
Po ashtu brenda librit ka edhe piktura të autorëve të ndryshëm, gjë që e kanë bërë librin më të tërheqshëm për lexim dhe shtjellim.
Ky libër është bërë gati në një afat rekord, duke ua lënë lexuesve në kujtesë këtë kohë të pakohë, këtë virus vdekjeprurës, i cili e kishte përthekuar tërë botën.
Brenda këtij libri janë të pranishëm me shkrimet e tyre 43 krijues nga mbarë etnikumi shqiptar dhe 10 piktorë me punimet e tyre figurative.
Vlen të theksohet se nga Lugina e Preshevës me punimet e tyre u prezantuan: Bilall Maliqi nga Presheva dhe Rexhep Abazi nga Medvegja.
Këtë libër e botoi sh.b. “Lena” Prishtinë, 2020, fq.177
/Nacionali/
No Comment