Kryetari i Kuvendit komunal të Bujanocit, Enver Ramadani, gjatë ditës së sotme ka realizur në vizitë shkollave fillore dhe asaj të mesme shqipe në Bujanoc.
Ramadani, i shoqëruar nga sekretarja e Kuvendit, Nermine Aliji-Ademi, u informua për së afërmi me përgatitjet e fundit për fillimvitin shkollor dhe masat e ndërmarraru që janë vendosur nga Ministria e Arsimit, pas paraqitjes së pandemisë COVOD-19.
“Sot në cilësinë e kryetarit të kuvendit, vizitova disa nga shkollat në Komunën e Bujanocit për të parë nga afër përgatitjet për fillimin e vitit shkollor dhe për t’u njoftuar me masat që kanë ndërmarrë sipas udhëzimeve nga Ministria e Arsimit, pas shfaqjhes së pandemisë COVID-19. Gjithë drejtorëve u sigurova se do të kenë mbështetjen tonë të pa rezervë dhe se bashkarisht do të përkujdesemi që këto vështirësi t’i tejkalojmë, duke pasur parasysh synim mbrojtjen e shëndetit të nxënësve” – ka shkruar Ramadani.
Kryetari Enver Ramadani, ka vizituar tre shkollat kryesore shqipe në Bujanoc; shkollën fillore “Naim Frashëri” në Bujanoc, shkollën fillore “Muharrem Kadriu” në Tërnoc, dhe shkollën e mesme “Sezai Surroi” në Bujanoc
No Comment