Doli nga shtypi libri më i ri, i shkrimtarit Bilall Maliqi, libër me tregime për fëmijë i titulluar “Blini në blinishtë”, botues, sh.b. “Lena” Prishtinë.
Ky libër përbëhet prej 16 tregiemve të ndryshme për fëmijë dhe është shkryuar në kohë izolimi (karantime).
Për lexuesit po japim mendimin e recensentit të librit, shkrimtarit Hysen Këqiku, lidhur me librin dhe vlerat e tij:
Vepër me shije artistike…
Fjalë hyrëse
Kosova Lindore e quajtur me një emër të shpifur “Lugina e Preshevës” përfshinë një hapësirë gjeografike e përbërë me tri qendra komunale si Presheva, Bujanoci dhe Medvegja e banuar kryesisht me popullësi etnike shqiptare; veç tjerash, gjatë historisë, komuniteti krijues letrar, ka zhvilluar një letërsi e cila rritën e saj e ka bërë paralel me zhvilimin e letërsisë së Republikës së Kosovës, me një mbështjellje artistike konformë zhvillimeve të tjera kulturore e historike gjatë gjithë historisë së saj. Ky komunitet kultivoi letërsi kualitative e mbrujtur me një forcë të madhe shprehjesh, në të gjitha gjinitë letrare, duke filluar edhe para Luftës së Dytë Botërore, gjatë kohës pas LDB dhe pas Luftës së Kosovës për çlirimin e saj nga Serbia. Kjo trevë ka dhënë emra të shquar krijuesish të cilët me veprat e tyre letrare u ngjitën në lartësitë artistike duke e pasuruar me prurje të shumta figurative e inventive krijimtarinë letrare.
Rezultate inkurajuese
Kominiteti krijues i Luginës së Preshevës, përbëhet nga disa dhjetëra krijues, të cilët veprojnë në kuadër të Shoqatës së Shkrimtarëve “Feniks”, me seli në Preshevë, udhëhequr nga kryetari i saj, shkrimtari Bilall Maliqi, duke shënuar rezultate inkurajuese në lëmin e krijimtarisë imagjinative letrare.
Këto ditë të mbyllur me kërkesën “Rri n’shpi” për shkak të Virusit Korona, krijuesit letrar e shfrytëzuan në dobi të krijimit të veparave të reja në fushën e letërsisë.
Këtij “vargani” i priu Bilall Maliqi me librin me tregime për fëmijë “Blini në Blinishtë”. Kjo vepër gjithsesi do të shërbejë si një dhuratë e mirëpritur nga lexuesit e vegjël që e përjetuan shkëputjen e mësimit nëpër shkolla duke kaluar në atë me “mësim online”, por, duke qenë larg bibliotekave shkollore e publike.
Bilall Maliqi është autori i më se 33 veprave letrare, duke begatuar bibliotekat tona me poezi për të rritur, për fëmijë, me poema, prozë poetike, tregime për fëmijë, vepra publicistike, me aforizma dhe me vështrime.
Botimi më i ri me tregime për fëmijë “Blini në Blinishtë” është suksesi i tij i rradhës dhe libri që gjithsesi do t’i gëzojë jo vetëm fëmijët, të cilëve u dedikohet, por edhe të rriturit.
Larushi temash e motivesh
Motivet dhe inspirimet e shkrimtarit Bilall Maliqi duke i ndihmuar edhe intuita e tij e harmonishme me shpirtin krijues e mbajnë lexuesin në prehrin e vëmendjes e kënaqësisë të tregimeve që në vete ngërthejnë një laramani temash, të cilat autori i librit e ka derdhur tërë tharmin e tij krijues dhe dashuror për lexuesit e tij, fëmijët që janë vetë poezia, vetë kënaqësia , nektari dhe lumturia në këtë jetë.
Libri përbëhet nga 16 tregime të shkurtra, por që spikasin tema nga më të rëndësishmet nga jeta e personazheve, duke krijuar një vepër me një kompozicion ngjarjesh që nuk e shpërndajnë lexuesin në shumë drejtime imagjinative, por, e mbajnë ledhatueshëm në sofrën e mbushur si me ëmbëlsira adhuruese për fëmijët, pa pasur nevojë ndarjen e saj në cikle.
Personazhet e kësaj përmbledhje me tregime, janë të këndshëm. Fëmijë kurreshtarë, të dashur, të interesuar dhe sajues të ngjarjeve, duke mundësuar një zgjidhje të pranueshme të ngjarjes së shkurtër që ka tregimi, për lexuesin.
Kënaqësia tjetër, e cila duhet të frymëzoj fëmijët, prindërit dhe lexuesit në përgjithësi, është gjetja e emrave të personazheve. Emra të shkurtër, me kuptim të bukur dhe të lehtë për shqiptim, të cilët na kthejnë në kohën e artë të paraardhësve tanë pellazgët dhe ilirët e trojeve tona kur me Zotin flitej shqip. Emrat e personazheve nuk janë emra që shkaktojnë huti dhe rrisin kurreshtjen “se çfarë kuptimi mund të ketë emri im” pra janë emra shqip të gjuhës që na e mësoi nëna jonë, që nga lindja bashkë me bekimin.
Këta personazhë si: Blini, Blerta, Drini, Dielli, Durimi, Guri, Klea, Lumi, Lenti, Lisi, Marsi, Trimi, Tritani, etj i vë autori në realizim të ngjarjes, të veprës dhe të qëllimit.
Këta fëmijë janë kurreshtarë dhe kurreshtja i obligon të jenë nxënës të mirë, fëmijë të mirë për prindërit dhe fëmijë të mirë për atdheun. Për tokën e mbushur me plot gjallëri. Me florë dhe faunë të begatshëm si dhe me monumente natyrore e materiale.
Këta fëmijë tek e shikojnë Kalanë maje mali, bëhen kurreshtarë ta dijnë se kush e ndërtoi, kur e ndërtoi…Ata pyesin mësuesin, prindërit dhe, e plotësojnë kurreshtjen se të parët tanë që nga lashtësia bënë përpjekje që të kenë hapësirën tokësore, të cilës duhet kushtuar rëndësi si atëherë si gjithmonë.
Personazhet e tregimeve e duan punën. Ata i kryejnë detyrat, që atyre u takojnë, bëjnë hartime për Kalanë dhe për Shpellën e cila gjendet afër Preshevës përkatësisht Shpella e Yllionit ose Shpella e Tërnavës, plotësimi i gjetjes së etimologjisë për toponimin Blinishtë e shumë të tjera.
Këta fëmijë janë shembullor.
Ata duan çdo gjë që ka atdheu. As gjarprin nuk duan ta mbysin, sepse varfërohet fauna e vendit tonë.
Janë recitues të shkëlqyeshëm dhe aktor me përjejtim.
Këta fëmijë, që luajnë role të ndryshme, në realizimin e ngjares së tregimit, flasin me gjuhën e fëmiut që nuk lëndon, nuk ofendon, as nuk hidhëron. Gjuha e tyre është e pastër, e kuptueshme dhe shumë e begatshme. Ajo gjuhë herë-herë është fugurative, gjuhë e figurave që të folurit tonë i japin shije të një gjuhe të moçme e që gjatë vjetërsisë së saj ka ruajtur fjalë të shumta që kanë edhe kuptime figurative.
Gjuha e fëmijëve është edhe gjuha e autorit, i cili me dashuri të madhe dhe invencion i sajoi këta 16 tregime me të cilën e kompletoi një libër që ia vuri një emër shumë të bukur
“Blini në Blinisht”
E lexofshi me shëndet fëmijë të dashur!…
/Nacionali/
No Comment