Me dorëheqjen e kryetarit të Kuvendit Komunal të Preshevës, z. Sami Salihu, u hapën udhët ose për shkuarje në organ të përkohshëm, të cilin padyshim do ta udhëhiqte kryetari i deritanishëm i komunës, z. Shqiprim Arifi, ose të kriJohet një shumicë e re parlamentare, në mënyrë që mos ta shpiejnë komunën në organ të përkohshëm.
Pas shumë përpjekjesh dhe mbledhjesh maratonike në mes të dy subjekteve politike asaj të PDSH-së, të PVD-së dhe grupit qytetar Lëvizja për Reforma u arrit një marrëveshje për qeverisje teknike deri në zgjedhjet e reja, në të cilën marrëveshje u dakorduan që posti i kryetarit t’i takojë kryetarit të grupit qytetar Lëvizja për Reforma , z. Sami Salihu.
Kjo marrëveshje u nënshkrua sot nga këto subjekte politike, që më pastaj kryetari i kuvendit Sami Salihu të konvokojë seancë të jashtëzakonshme për shkarkimin e kryetarit të komunës dhe në pikat e rendit të parapara për këtë seancë.
Për seancën në fjalë kërkesën e firmosën 21 këshilltarë të kuvendit Komunal, 10 të PDSH-së . 7 të PVD-së, 3 të LR dhe një e pavarur.
Kjo seancë e thirrur për nesër prej orës 12.00 do të ketë këtë rend të ditës:
1.Shqyrtimi dhe miratimi i propozimit për shkarkimin e zv/ kryetarit të kuvendit z. Branko Trajkoviq;
2. Shqyrtimi dhe miratimi i propozimit për zgjedhjen e zëvendës kryetarit të kuvendit komunal të Preshevës;
3. Konstatimi i dorëheqjes së kryetarit të kuvendit Komunal, z. Sami Salihu;
4. Shqyrtimi dhe miratimi i propozimit për zgjedhjen e kryetarit të kuvendit komunal;
5. Shqyrtimi dhe miratimi i propozimit për shkarkimin e kryetarit të komunës së Preshevës, z. Shqiprim Arifi.
Vlen të theksohet se kryetarja e degës së PVD-së, zonja Ardita Sinani në intervistën e dhënë në RTV Aldi deklaroi se nuk do të jetëpjesë e asnjë funksioni në këtë përbërje, ajo theksoi se do të jetë vetëm këshilltare komunale, ndërsa do të dërgoj njerëz kompetentë të fushave të ndryshme në vendet ku i takojnë PVD-së.
/Nacionali/
No Comment