Dramë në Kuvendin Komunal të Preshevës.

Sot u mbajt seanca e jashtëzakonshme e Kuvendit Komunal të Preshevës, me pikat e përcaktuara të redndit të ditës.

Fillimisht kryetari i Kuvendit Komunal të Preshevës, z. Sami Salihu, procedoi me pikën e parë të rendit të ditës, shkarkimin e zv/ kryetarit të kuvendit z.  Branko Trajkoviq.

Para se të hudhet në votim, fjalën e morri kryetari i komunës Shqiprim Arifim i cili  para të pranishmëve foli për punët e arritura gjatë mandatit të tij dhe drejtori një varg kritikash drjetuar atyre që po ia marrin besimin.

Shkarkimi i z. Trajkoviq u votua nga këshilltarët e pranishëm em 20 vota pro, mandej u zgjodh zv/ kryetari i Kuvendit komunal nga radhët e PDSH-së z. Shpat Aliu, e më pas mori drejtimin e seancës zv/ kryetari Aliu i cili më tej procedoi me pikën tjetër të rendit të ditës dhe ate për zgjedhjen e kryetarit të kuvendit z. Agim Sabedini i cili vjen nga radhët e PDSH-së.

Por pika më kulminante ishte shkarkimi i kryetarit të komunës z. Shqiprim Arifi nga posti i kryetarit të komunës, e cila në votim nuk i mori 20 votat e nevojshme, por për t’u shkarkuar, por i mori 19 vota. Kryetari i komisionit z. Ylber Veliu pohoi se ka qenë një votë diskutabile, e pa përcaktuar dhe se ka pasur presion votuesit.

Pas shumë përplasjesh në mes të këshilltarëve të APN-së me këshilltarët e partive të tjera, kandidati për kryetar komune z. Sami Salihu propozoi që të merret mendimi i gjykatës administrative lidhur me këtë votë diskutabile.

Kjo seancë ngelet e hapur deri në mednimin e gjykatës administrative…

/Nacionali/