Më 1 shtator të këtij viti filloi mësimi në të gjitha shkollat fillore dhe të mesme në Republikën e Serbisë, edhe pse në kohë Pandemie, por me masa të rrepta të sigurisë.
Risi në këtë vit ishte edhe pajisja e fëmijëve me libra shkollor nga Republika e Shqipërisë, të cilat KKSH-ja kishte punuar mjaft në bashkëpunim me Ministrinë e Arsimit të Shqipërisë për lejimin e përdorimit të tyre.
Pas dy javësh pune në shkolla, kryetari Mustafa thirri në takim drejtorët e shkollave të Luginës me të cilët zhvilloi takim pune lidhur me ecejaket e punës me tekste të reja të cilat KKSH-ja kishte shpërndarë nëpër këto shkolla.
Lidhur me këtë kryetari i KKSH-së Ragmi Mustafa në profilin e tij në fb. shkruan:
“Sot, në selinë e Këshillit Kombëtar Shqiptar mirëprita në takim drejtorët e shkollave fillore shqipe në Luginë të Preshevës.
Synimet e përbashkëta janë në arritjen e standardeve të cilësisë në arsim, pas suksesit të madh me sigurimin e teksteve shkollore në gjuhën shqipe për nxënësit shqiptar të Luginës, dhe shpërndarjes së tyre për 4052 nxënës shqiptar falas.
Interesi yni i përbashkët është adaptimi me tekstet e reja nga mësimdhënësit, për t’i sjellë standardet më të lartë në mësimnxënie e mësimdhënie si dhe tejkalimin e sfidave të situatës me pandeminë Covid-19 e organizimin të mësimit në distancë.
Nxënësit nga Lugina, do të jenë konkurrent e garues me bashkëmoshatarët e tyre në rajon e me gjerë”.
/Nacionali/
No Comment