Sot gjashtë vite më parë filloi ligjerata e parë me një numër të konsiderueshëm të të rinjve nga Presheva, Bujanoci e më gjerë që kishin shprehur vullnetin e tyre që të fillojnë studimet në prag të shtëpisë, në Universitetit Internaciona të Novi Pazarit, dega në Preshevë.
Universiteti Internacional i Novi Pazarit në Preshevë në maj të vitit 2014 fillimisht hapi zyren në rrugën Zenel Hajdini, ku rinia e kësaj treve tregoi një interesim të madh për të studiuar në prag të shtëpisë.
Qëllimi i kësaj rinie ishte jo vetëm të studiojnë këtu, por, ishte edhe vullneti i tyre që mos të boshatiset Presheva, ti japin gjallëri dhe duke u qëndruar stoik pranë familjes dhe vendit të tyre. Po ashtu një numër i kosiderueshëm i studentëve kishin filluar studimet në shtetet e rajoni u rikthyen në Preshevë për t’i vazhduar studimet.
Më 14 tetor 2014 në rrugën “15 Nëntori” në hapësira të vogla filluam edhe me ligjeratën e parë ku ishin pjesëmarrës shumë profesor, dhe politikan nga vendi dhe rajoni për të mbështetur këtë vatër të dijes edukativo-arsimore.
Siç do të potenconte Wiston Churchill: “Kurrë mos iu ndaj bindjeve të nderit dhe qëllimit të mirë”.
Pra, si qëllim i mirë dhe i nderit deshti Zoti me njerëzit vullnetë mirë që për pesë vite nga një zyre e vogël të ndërtohet një objekt universitar.
Më 29 maj 2017 në ditën kur u hap zyra në mënyrë solemne u vendos gurthemeli për ndërtimin e objektit universitar. Edhe për kundër vështirësive dhe investimeve të mëdha arritëm që pas pesë viteve pikërisht në ditën kur filloi ligjerata e parë dhe ku edhe u përuruar objekti universitar më 14 tetor 2019.
Nga ata që kanë diplomuar, deri më tani janë të sistemuar në sektorin publik dhe atë privat mbi 68 profesionist, thuhet në shkrimin e koordinatorit të Universitetit të Novi Pazarit-dega në Preshevë, z. Kujtim Sadriut.
/Nacionali/
No Comment