“Mirëmëngjesi” me një surprizë të këndshme për të vegjlit e çerdhes “Gëzimi ynë”!

Sot të vegjlit para çerdhes “Gëzimi ynë” në Tërnoc i ka pritur një surprizë e bukur.
Me mesazhin “Mirëmëngjesi”, aty një natë më herët është vendosur një shtëpizë për fëmijë, e cila ishte një donacion i bashkatdhetarit nga Tërnoci, z.Menderim Abdullahu i cili jeton dhe vepron në shtetin e Belgjikës.

Ai së bashku me Fitim Destanin nga Tërnoci, në mënyrë vullnetare kanë bërë të mundur vendosjen e një shtëpize të tillë për femijët e çerdhes së fshatit Tërnoc.

Vlen të theksohet se vendosja e lodrave në oborrin e kësaj çerdhe ishte një kërkesë e kahmotshme e banorëve të fshatit, e në veçanti e artistit nga ky fshat, Nagip Taipi (Tashi).

Më në fund të vegjlit e çerdhes së Tërnocit kanë një rekreacion të ri në oborrin e këtij institucioni.

/Nacionali /