Artisti nga Tërnoci i Madh i Bujanocit , Nagip Taipi i njohur nga banorët e Luginës dhe jo vetëm për veprat e tij të veçanta, së fundmi ka punuar një mozaik nga druri të njërës ndër figurat e rëndësishme në historinë e vonshme të Kosovës dhe shqiptarëve, Ukshin Hotin.
Përmes një postimi në Facebook artisti ka bërë të ditur se çfarë e shtyri të punoj këtë vepër.
Postimi origjinal i tij
Ukshin Hoti
Nëntori i heronjve. Ky muaj është edhe reflektim ndaj historisë e angazhimit të të gjithë atyre që artikuluan kërkesat popullor. Ndaj atyre që i detyrohemi shumë.
Padyshim nuk mund kujtojmë heronjtë kombëtar e në mesin e tyre, të mos përkujtojmë njërën nga figurat më të ndritura të historisë së vonshme. Pra, Ukshin Hoti.
Artikulimi i idealeve në kohë të pa kohë gjithmonë është kërcënim jete. Atë e zhdukën. Por, nuk mund ta zhdukin frymën e vizionin tij që ndjen zemra e çdo shqiptari.Ai jeton përmes lirisë së çdo shqiptari.
E unë si artist nga Lugina, në kushtet e mungesës së lirisë, në figurën Tuaj gjejë inspirimin për shpresën e së ardhmes.
Qoftë i përjetshëm kujtimi! Urime për festat e Nëntorit!
(Mozaic në dru)Materiali: arrë,bung,frashër,çamDim: 70cm x 50cm
No Comment