Poeti nga Presheva, Avni Shaqiri, para opinionit artëdashës doli edhe me dy vëllime poetike, njëri për fëmijë i titulluar “Edhi biciklist” dhe libri tjetër me poema dhe poezi për të rritur, e titulluar “Moti i lavdisë së madhe”, botues shb. “Kurora” Gjilan, 2020.
Për librat në fjalë kanë dhënë mendimet e tyre pozitive recensentët e dy librave të botuara: Bilall Maliqi dhe Sevdail Hyseni, të cilët i kanë shkoqitur vlerat përgjithsuese të dy librave të poetit Avni Shaqiri.
Avni Shaqiri shkruan poezi për fëmijë dhe të rritur dhe është anëtar i kryesisë së Shoqatës së Shkrimtarëve “Feniks” (Preshevë, Bujanoc dhe Medvegjë).
Është profesor i gjuhës dhe i letërsisë shqiptare, punon në SHMT “Presheva” në Preshevë.
Pak biografi…
Avni Mustafë Shaqiri u lind me 22 janar 1958 në fshatin Geraj, nga babai Shaqiri dhe nëna Elmija. Ishte fëmija i tetë, pas një vëllai e një motre nga katër vëllezërit e tri motrat. Fëmijërinë e tij adoleshente dhe rininë e kaloi në kushte shumë të vështira si pjesa e dërmuese e famailjeve shqiptare pa asnjë anëtarë familjeje të punësuar e cila mezi siguronte mbijetesën nga bujqësia e ndonjë aktivitet tjetër.
Shkollën fillore (katër klasë) i mbaroi në vendlindje e katër klasët e tjera në fshatin Ashanë–Strezoc, Shkollën e mesme e mbaroi në Preshevë në gjimnazin “Skëndrebeu” me sukses shembullor. Në vitin 1979 u regjistura në Universitetin “Qirili dhe Medodi” në Fakultetin Filologjik, Dega Gjuhë dhe Letërsi shqiptare në Shkup, të cilin e mbaroi me sukses në vitin 1983
Një kohë prej dy-tre vitesh, priti të punësohej. Më 1985, në mars të të njëjtit vit filloi të punojë në Gjimnazin “Skënderbeu, në Preshevë. Pas ca muajsh shkoi në shërbim ushtarak të cilin e kreu më 30 prill 1986. Në shtator të të njëjtit vit filloi prapë të punojë në gjimnazin “Skënderbeu” me kohë të pacaktuar me vendim. Kohërat ishtin të turbullta, Jugoslavisë kishin filluar t’i dridheshin themelet, asaj krijesës artiviciale, ku për një fjalë goje, shqiptarët burgoseshin për kërkesa legjitime etiketoheshin si është më zi e për një parolle të shkruar burgoseshe me dhjetëra vite burg të rëndë.
Për çdo qëndrim parimor bëheshin diferencime ideopolitike, mirreshin masa drastike e burgoseshe nëse shfaqje sadopak ideologji kombëtare e kërkoje barabarsi për punë e jetë normale. Ishte koha kur sistemi monist jugosllav kishte shpallur luftë kundër të gjithë atyre që guxonin e mundoheshin të mbronin qenien kombëtare, historinë, gjuhën, burrat e poetët me taban kombëtar.
Dita ditës problemet shtoheshin. Mbaheshin tubime nacionaliste ku kërkohej dënimi i nacionalistëve shqiptarë.
Proafesor Avniu ishte kundër mitingjeve të tilla dhe kundër mitingut të vitit 1989 i mbajtur në Preshevë i cili në njëfarë mënyre edhe dështoi të mbahej si në qytet e vende të tjera jugosllave, gjegjësisht serbe. Filloi kërkesa për diferencime ideo-politike. Filloi kërkesa për ndërrimin e emrit të Gjimnazit nga “Skënderbeu” në “25 maj” për të cilin Avniu ishte kundër, për ç’gjë u përjashtua së bashku me 10 kokegët e tij dhe për 13 vite mbeti rrugëve, i papunë.
Vetëm pas rënies së regjimit të Millosheviqit pas ndryshimeve politike, në vitin 2002, u kthye prapë në shkollën nga ishte përjashtuaa, port tash e ndarë nga Gjimnazi “Skënderbeu” në SHMT “Presheva”, ku punon edhe sot e kësaj dite.
Me shkrime filloi të merret që nga bangat e shkollës së mesme, por botimin e veprave e filloi më 1999. Shkruan poezi për të rritur por në zemër disi i flejnë poezitë për fëmijë e të rinjë
Deri më tani ka boura këto vepra letrare:
“Follë kujtimi”, poezi për të rritur, SHB “Vatra”, Prishtinë, 1999
“Gjeli karatist”, poezi për fëmijë, SHB “Vatra”, Prishtinë 2003,
“Europë zeza”, përambledhje poemash SHB “Vatra” Prishtinë 2015,
“Plagë mbi plagë”, poezi për të rritur, “Vatra”, Prishtinë 2015
“Dy bibanat e flokëgjati”, poeazi për fëmijë “Vatra”, Prishtinë 2015,
“Dhelpra në banketin e pulave”,poezi për fëmijë “Atunisë”, Prishtinë 2018
“Lugina e Preshevës” me nintitull “Të fala nga Gerajt”, për të rritur , Atunis, Prishtinë,
“Evropë bardha me njolla të zeza” (Përmbledhje poemash për të rritur, shb. “Atunis” , Prishtinë, 2018,
“Dritë lirie nëpër vargje” (poema kushtuar ushtarëve të UÇPMB-së, Lena, Prishtinë, 2019
“Edhi biciklist”, poezi për fëmijë e të rinjë. Kurora, Gjilan 2020.
“Moti i lavdisë së madhe” (poema dhe poezi për të rritur, Kurora, Gjilan 2020
/Nacionali/
No Comment