Përveç monografisë për fshatin e tij të lindjes, Gare, komuna e Preshevës, avokati nga Presheva z. Ejup Kamberi ka botuar edhe librin tjetër me titull “Kujtesa e një fëmijërie”, botues, shb. “Lena “ Prishtinë, 2020.
Autori në këtë libër ka nënvizuar mbamendjen e tij që nga fëmijëria deri më tani, duke rrëfyer të gjitha ato ndodhi në formë ditari, të cilat janë shumë interesante për lexim.
Këto kujtesa jetësore ai i ka renditur që nga fëmijëria e tij e hershme, duke ecur kështu nëpër faza të shkollimit deri në ushtrimin e profesionit të tij prej avokati.
Është interesante të lexohen këto ngjarje jetësore të tij të shkrira në fletëza ditari, duke paraitur letërnjoftimin e tij në një hapësirë më të gjerë, siç është në këtë libër.
Po ashtu vlen të ceket se ky libër me 117 faqet që i ka, janë paraqitur ato kujtime pak më të rëndësishme, të cilat autori nuk ka dashur që harresa t’i përpijë, por ky ditar autorial i autorit të shërbej për gjeneratën e tij familjare që ta kenë në kujtesë autorin e këtij libri.
Librat e shkruara në formë ditari, janë shumë të rrallë apo dificitar, dhe si të tilla janë shumë intresante për t’i lexuar…
Avokati, Ejup Kamberi, ka botuar edhe Monografinë për fshatin e tij të lindjes, Gare, me titull “Garja në rrjedhat e historisë”.
/Nacionali/
No Comment