Përmes një postimi, kryetari i Këshillit Kombëtar Shqiptar, Ragmi Mustafa ka bërë të ditur se gjatë ditës së djeshme ka vizituar Bashkësitë Islame që veprojnë në Luginë të Preshevës.
Ai ka falënderuar prijësit fetar për mikpritjen dhe ka vlerësuar lartë angazhimin e tyre si mburoja e fundit e identitetit tonë kulturor e kombëtar.
Ky është postimi i plotë i tij:
IMAMËT E LUGINËS TË BËHEN SHEMBULL I UNITETIT
Dje, për nder të fillimit muajit të Ramazanit vizitova bashkësitë fetare e prijësit fetar të Luginës së Preshevës për t’i uruar muajin që simbolizon sakrificën dhe besimin në Zotin.
Falënderoj për mikpritjen bujare e për bashkëbisedimet përmbajtësore, për këshillat e sugjerimet e vyeshme që në këtë muaj nxisin mirëkuptimin dhe dashurinë për të gjithë njerëzit, e veçmas ata që janë në gjendje më të vështirë sociale dhe kanë nevojë për dorën e ndihmës nga shoqëria kur edhe ramazanin e dytë po e përjetojmë nën pandeminë globale me Covid-19.
Në cilësinë e kryetarit Këshilli Kombëtar Shqiptar respektoj dhe çmoj lartë organizimin fetar si mburoja e fundit e identitetit tonë kulturor e kombëtar.
Mbi këtë peshë në këtë muaj të lartësimit shpirtëror, afrimit dhe manifestimit të unitetit, muajin e udhërrëfimit dhe mëshirës, muajin e edukimit dhe vetëmposhtjes, muajin e lirisë dhe vëllazërisë, ftojë gjithë imamët e gjitha xhamiave pa dallim në Luginën e Preshevës, le të bëhen shembull i bashkimit e unitet për popullin.
Le të jetë ky muaj që përcakton sjelljen tonë, na zbut zemrat e përbashkon bashkësitë fetare në një organizatë të vetme të gjithsecilit e për të gjithë.
No Comment