Nga shkrimtari me prejardhje nga Medvegja, Rrahman Hyseni, doli libri i tij më i ri i karakterit monografik, me titull “ Shqiptarët e Medvegjës nëpër shekuj (historia, kultura dhe arsimi)”.
Në këtë libër monografik, shkrimtari ka mbledhur materiale të shumta e të thukëta lidhur me kapitujt me të cilët përthekohet ky libër, i veçantë si për autorin, po ashtu edhe për Medvegjën dhe medvegjasit.
Në kapitujt e ndarë /Pishtarët e diturisë në shkollat shqipe nëMedvegjë/, autori paraqet të gjithë pishtarët e arsimit, e që nuk janë të paktë, pra ai me këtë i ka jetësuar përmes këtij libri, pastaj, kaptulli /Shkrimtarët dhe poetët e komunës së Medvegjës/, ku ka paraqitur të gjithë krijuesit që më nuk janë në mesin tonë, por edhe ata që janë gjallë dhe mbajnë në supe kulturën dhe letrat shqipe të kësaj treve mandej kapitulli / Rapsodët dhe artistët e Medvegjës/, ku po ashtu i ka mbledhur dhe i ka sistemuar në libër të gjithë këngëtarët dhe artistët e komunës së Medvegjës dhe përreth dhe cikli i fundit /Aktivitetet dhe të arriturat e SHHH “Medvegja), në të cilën paraqet aktivitetet humanitare kë kësaj shoqate, duke i paraqitur edhe anëtarët e saj me fotografi dhe me biografitë e tyre, njëjtë siç ka vepruar edhe në kapitujt paraprakë.
Ky libër është si një “ letërnjoftim” për medvegjasit dhe për të gjithë ata që duan të dijnë më shumë për këtë pjesë të rajonit të Luginës së Preshevës.
Të gjitha fotografitë dhe materialet tjera janë kolor, ndërsa lidhja është e forte, pra është një libër i punuar me standarde të larta.
Libri ka 456 faqe…
/Nacionali/
No Comment