U mbajt premiera e shfaqjes për të rinj!

Në sallën e vogël të teatrit të qytetit në Preshevë është mbajtur premiera e shfaqjes për të rinj “Tejkalimi i barrierave përmes imigrantëve dhe të rinjve lokal”.
Ky projekt i Shoqatës Kulturore “Dituria”, u financua nga Organizata Ndërkombëtare për Migracion (IOM). Nën patronazhin e drejtorit të shoqatës kulturore “Dituria”, z. Reshat Musliu u bë premiera e shfaqjes së të rinjve afganistanas ku i përshkruan peripecitë, në të cilën ata kanë kaluar, gjatë ardhjes në Ballkan!
Në fillim, u intonua himni i tyre (afganistanas), e më pastaj të rinjtë “aktorë” nga Presheva shfaqën premierën kushtuar migrimit të tyre!
Kjo tregon, se respekti ndaj emigrantëve nuk duhet të mungoj asnjëherë. E besojmë që këto projekte nuk do të mungojnë as në të ardhmen!