Shoqata e Shkrimtarëve “Feniks” (Preshevë, Bujanoc dhe Medvegjë) edhe përkundër Pandemisë COVID 19, me sukses i përmbylli aktivitetet që i ka me planprogram dhe me statut.
Shoqata “Feniks” filloi aktivitetin e përvitshëm poetik e letrar “Flaka e Janarit”, për të vazhduar edhe me një orë letrare, e cila ishte pjesë e aktivitetit të Flakës.
Të njëjtën ditë u mbajtën edhe dy orë letrare, njëra në shkollën fillore “Prof. Ibrahim Kelmendi” në Preshevë, dhe në paralelen e ndarë të po kësaj shkolle në Stacionin Hekurudhor, mandej, ditëve të tjera vazhduam Karvanin, në paralelen e ndarë në fshatin Norçë, në paralelen e ndarë në fshatin Tërrnavë, në paralelen e ndarë në fshatin Zhunicë, në sh. f. “Migjeni” në Caravajkë dhe në dy paralelet e ndara në fshatin Maxhere dhe në fshatin Ilincë.
Shoqata e Shkrimtarëve “Feniks” mbajti orë letrare edhe në Universitetin Internacional të Novi Pazarit-dega në Preshevë ku u përurua një libr i Prof. Dr. Shefki Selami.
Shoqata e Shkrimtarëve “Feniks” organizoi përurimin e librave të avokatit, Ejup Kamberi me titull “Garja nëpër rrjedha të historisë” dhe “Kujtime fëmijërie” si dhe ora letrare.
Shoqata e Shkrimtarëve “Feniks” në Bujanoc, organizoi përurimin e librit të karakterit fetar “Edukimi fetar nëpër shkollat e Luginës së Preshevës” i autorit, Mr. Sedat Beqiri dhe pati orë letrare nga Shoqata “Feniks”.
Shoqata e Shkrimtarëve “Feniks” në bashkëpunim me Bibliotekën e Qytetit “Mehmet Jusufi” përuroi librin me poezi të poetes Emine Murseli, me titull “ Ëndërr e shkëputur”, ku pati edhe orë letrare nga Shoqata “Feniks”.
Më 5 tetor 2021 u mbajt mbledhja e kryesisë së Shoqatës së Shkrimtarëve “Feniks” (Preshevë, Bujanoc dhe Medvegjë), me të vetmën pikë të rendit të ditës, propozuar nga kryetari i Shoqatës z. Bilall Maliqi, e ajo ishte shpallja anëtare nderi i Shoqatës së Shkrimtarëve “Feniks”, Dr. Flora Brovina, me mtoivacionin “Për përkrahjen e kulturës letrare të Luginës së Preshevës dhe për humanizëm”, të cilin propozim unanimisht e votuan të gjithë anëtarët e kryesisë së Shoqatës. Nga kjo datë, Dr. Flora Brovina është anëtare nderi i Shoqatës së Shkrimtarëve “Feniks” (Preshevë, Bujanoc dhe Medvegjë).
Shoqata e Shkrimtarëve “Feniks” më 30.10.2021, mbajti Maniferstimin Tradicional vjetor “Kultura na bashkon 2021”, me tribunën “10 vjet nga shndërrimi i Klubit Letrar “Feniks” në Shoqatë” projket ky i financuar nga Komuna e Preshevës.
Në kuadër të këtij aktiviteti, u përurua libri i Prof. dr. Shefki Selami, me titull “Plisi thur vargje”, ku për librin foli redaktori i librit, shkrimtari Bilall Maliqi.
Ky Manifestim kishte jehonë të madhe, pasiqë në të morën pjesë dhe lexuan poetë nga të gjitha trojet shqiptare. Ora letrare ishte e karakterit garues, përmes konkursit letrar, ku juria profesionale: Sevdail Hyseni (kryetar), Rrahman Hyseni (anëtar) dhe Mustafa Ismaili (anëtar), pasiqë i lexuan më shumë se 30 krijime poetike vendosën për këto çmime:
Çmimi i parë, poetit Shefqet Dibrani nga Besiana (Podujeva)
Çmimi special, poetes nga Medvegja, Majlinda Shaqiri.
Pas këtij Manifestimi të madh poetik, Karvani i Shkrimtarëve të Luginës vazhdoi rrugëtimin e tij në shkolla të komunës së Bujanocit dhe ate në sh.f. “ Sami Frashëri” në Turi, në Shkollën e Mesme “Sezai Surroi” në Bujanoc dhe në shkollën fillore “Naim Frashëri” në Bujanoc.
Më 27 nëntor 2021, u mbajt Manifestim i veçantë letrar “Nëntorët e lavdisë” , për nderë të 28 Nëntorit, ditës së flamurit, ku u përurua libri me poezi dhe poemë “Marsho vargu im” i poetit Avni Shaqiri dhe u mbajt ora letrare “Ora e Pavarësisë”.
Krahas shtatë botimeve me poezi dhe zhanre të tjera letrare të anëtarëve të Shoqatës “Feniks” e të tjerëve, të botuara këtë vit, është botuar edhe numri i 11 i revistës “Qëndresa” e vetme letrare në nivel të Luginës së Preshevës.
Falënderime…
E falënderojmë KOMUNËN E PRESHEVËS, për projektin “KULTURA NA BASHKON 2021”.
Donatorin e revistës së vetme letrare në Luginë të Preshevës (Qëndresa), humanistin dhe atdhetarin e madh, z. QENAN HAMDIU VLORA.
Falënderojmë kontabilistin e Shoqatës, z. FRASHNJIT DURAKU, për kontributin e dhënë në llogarinë përfundimtare të Shoqatës.
Po ashtu falënderojmë të githë anëtarët e Shoqatës së Shkrimtarëve “Feniks”, të cilët dhanë kontributin e tyre të pakursyer për zhvillimin dhe mbajtjen gjallë të kulturës letrare të këtij nënqielli që flet shqip.
Me këtë themi se me aktivitetet e zhvilluara edhe në këtë kohë Pandemie, Shoqata e Shkrimtarëve “Feniks” (Preshevë, Bujanoc dhe Medvegjë) mbetet Shoqatë lidere në Luginë të Preshevës me aktivitetet e saj…
Bilall Maliqi, kryetar
%20ka%20përmbyllur%20me%20sukses%20aktivitetet%20për%20vitin%202021…){kind=link}
No Comment