Sistemi arsimor, në Luginën e Preshevës gjithmonë ishte i cunguar, sepse ajo nuk pati asnjëherë të drejtë të ketë shkollë adekuate ku të rinjët do të mësonin në gjuhën amtare.Gjatë Perandorisë Osmane, Presheva ishte me Vilajetin e Kosovës, ku kishte disa shkolla të cilat ishin në gjuhën turke e sllave.
Pas përfundimit të sundimit të osmanëve dhe kapitullimin e saj, Preshevës i’u hap shtegu kryesor që të merren iniciativa, për themelimin e një shkolle shqipe ku breza të tërë do të arsimoheshin në gjuhën amtare.
Shkolla e parë shqipe, në historinë e popullit shqiptar të Luginës së Preshevës u hap më 7 shkurt të vitit 1945, në objektin e “Vila Letafet” pronë e Abdulla Haxhi Veliut. Mësuesit e parë ishin Hilmi Qerimi, Abdullah Ukshini, Tajar Zylfiu i Elbasanit dhe Demirali Ramadani-Hoxha.
Hapja e shkollës së parë shqipe në Preshevë bëhet në mënyrë zyrtare dhe solemnisht, ku fjalën e rastit për rëndësinë e shkollës në gjuhën amtare e mbajti Abdullah Krashnica, sekretar i Komitetit të Preshevës.Të theksojmë se shkollimi shqip në komunën e Preshevës filloi 5 shkurt 1945 në fshatin Raincë, me mësuesin e parë Fehmi Salihu nga Përlepnica e Gjilanit dhe me preferimet e Abdullah Krashnicës.
Sot ky institucion, është shndërruar në restorant ditor, ku çdo vizitor sot mund të ndalet aty dhe të evokoj kujtime, për epokën e themelimit e cila ishte një ndër ngjarjet më kulmore të historisë së popullit preshevarë!
No Comment