Doli nga shtypi përmbledhja me vjersha për fëmijë “Faqeve të gëzimit” e autores Rumejsa Jakupi. Rumejsa Jakupi është nxënëse e klasës së gjashtë e shkollës fillore “Prof. Ibrahim Kelmendi” në Preshevë.
Vjershat e shkruara nga Rumejsa janë të motiveve të ndryshme, të rregulluara me kapacitetin krijues dhe moshën që e ka autorja. Janë të lehta për lexim, pa ngarkesa me strofa të shumta, janë të këndshme për t’i lexuar dhe si të tilla lexohen me një frymë.
Rumejsa i ka shkruar zogut, fluturës, bletës, manushaqes, hënës, shqiponjës , por i ka shkruar edhe përkushtime poetike nënës, babait, tezes, gjyshit, gjyshes, motrës, familjes etj. Ajo ka shkruar edhe poezi të motivit patriotik: Mëmëdheut, Flamurit, Preshevës, Gjuhës shqipe, mërgimtarit, të gjitha këto me një ndjesi të veçantë, duke treguar zell dhe dëshirë të madhe që këto vjersha të dalin sa më të mira.
Vjershat e tilla që e kompletojnë librin japin një pasqyrim real të përkushtimit të autores për të shkruar me një ndjesi të veçantë për të gjitha këto motive dhe përkushtime që e përthekojnë librin.
Ky libër sigurisht vie si rezultat i leximit të librave të ndryshme me poezi për fëmijë nga autorja, andaj edhe rezultati nuk ka munguar, porse ka rezultuar në insiprime dhe frymëzime poetike.
Autorja edhe më tej duhet të lexojë, në mënyrë që të zgjerojë hoerizontin e krijimeve poetike.
Bilall Maliqi, redaktor i librit
No Comment