Të shtunën në Preshevë përurohet Libri “FOLEJA E LUMTURISË”.

LAJMËRIM

Lajmërohen të gjithë anëtarët e Shoqatës së Shkrimtarëve “Feniks” (Preshevë, Bujanoc dhe Medvegjë), dhe të interesuarit tjerë,  se të shtunën, më datë 09.04.2022, do të përurohet libri me poezi, i autores, Anika Saiti, me titull “Foleja e lumturisë”, me ç’rast do të ketë edhe orë letrare, në të cilën do të lexojnë anëtarët e Shoqatës.

Ky përurim me orën përcjellëse letrare organizohet nga Shoqata e Shkrimtarëve “Feniks” (Preshevë, Bujanoc dhe Medvegjë) në bashkëpunim me Bibliotekën e Qytetit “Mehmet Jusufi” në Preshevë, dhe fillon prej orës 14.00.

Me pjesëmarrjen tuaj në përurim, nderoni librin, autoren dhe kulturën në përgjithësi.

Bilall Maliqi, kryetar