Sot në komunën e Medvegjës, tradicionalisht, sikur shumë e shumë vite të tjera , organizohet Manifestimi “1 Maji” Dita e Punëtorëve dhe takimi vendlindjes, ku medvegjasit, nga të gjitha trojet e ndara dhe nga Diaspora mblidhen tok në këtë ditë në fshatin Tupallë të Medvegjës, në oborrin e shkollës fillore “Zenel Hajdini”, ku përpos aktiviteteve të shumta ka edhe muzikë e ushqime tradicionale shqiptare.
Po në këtë ditë do të marrin pjesë figura të ndryshme politike e kulturore, të cilat ia shtojnë rëndësinë dhe vlerën kësaj dite me rëndësi.
Edhe pse kushtet atmosferike nuk janë edhe të përshtatshme për shkak të shiut, prapëseprapë ato do të mbahen sigurisht në ambientet e shkollës në Tupallë.
Po në këtë ditë, edhe në shumë vende të botës përkujtohet më 1 maji, dita e punëtorëve. Dita e Punës, ose Festa e Punëtorëve, është një festë që festohet më 1 maj të çdo viti, e cila synon të kujtojë angazhimin e lëvizjeve sindikale dhe vështrimin ekonomik-social të punëtorëve.
Dita e Punëtorëve është e njohur në shumë vende të botës, por jo në të gjitha. Më saktësisht, ajo i referohet kujtimit të protestave të punëtorëve që synonin një të drejtë të madhe dhe që konsistonte ne orarin e punës, në 8 orë. Këto protesta çuan në nxjerrjen e një ligji që u miratua në 1866 në Illinois (SHBA).
Në Evropë 1 maji festa e punëtorëve është bërë zyrtare nga ana e delegatëve socialistë të kongresit të Internacionales së dytë në Paris në vitin 1889 dhe ratifikuar në Itali dy vjet më vonë
/Nacionali/
No Comment