Në mes të qytetit të Preshevës, kalon lumi, i cili ia shton qytetit bukurinë dhe ia kanë lakmi ato qytete, të cilat nuk kanë lumë, por këtë lumë duhet mirëmbajtur nga dikush, sepse kohët e fundit po hudhen gjësende të ndryshme , apo edhe bërllogje nga më të ndryshmet nga njerëz të papërgjegjshëm, por këtë papastërti të lumit e largon i riu nga Presheva, Besfort Sylejmani , i cili vullnetarisht përkujdeset për pastërtinë lumit.
Besfort Sylejmani, me vullnetin e tij të mirë ndaj natyrës dhe ambientit që e rrethon, me vet iniciativë dhe vullnetarisht ka pastruar Lumin e Preshevës, duke menjanuar të gjitha papastërtitë që e kanë vërshuar lumin.
Ky gjest i këtij të riu duhet të përshëndetet dhe të përkrahet nga institucionet komunale, nga aktivistë dhe nga dashamirë të tjerë të ruajtjes së natyrës.
/Nacionali/
No Comment