Edhe shqiptarët e Luginës do të kenë mundësi të barabartë në jurisprudencën e Kosovës. Me këtë për herë të parë kandidatët shqiptarë të tri komunave tona mund t’i nështrohen provimit të jurisprudencës.
Këtë lajm e ka bërë të ditur Albin Kurti!
Në postimin e tij, kryeministri Kurti në mes tjerash ka thënë :
Lajm i mirë për qytetarët që sot Kuvendi i Republikës miratoi në lexim të parë ligjin për rritjen e pagës minimale në 264 euro dhe lirimin nga tatimi i të ardhurave deri në shumën e pagës minimale. Mbi 100 mijë punëtorë të sektorit privat përfitojnë rritje mbi 100%, respektivisht mbi 50% të pagës së tyre mujore, ndërkaq plot 380 mijë punëtorë të sektorit privat dhe publik përfitojnë prej lirimit nga tatimi i të ardhurave deri në shumën e pagës minimale. Përveç se po e rrisim pagën minimale për herë të parë pas 11 vitesh, po e rrisim atë më shumë se çdoherë tjetër më parë. Ndërkaq pragun e shkallës tatimore po e zhvendosim nga 80 euro në 250 euro.
Gjithashtu, u uroj punë të mbarë anëtarëve të sapozgjedhur të Komisionit për Autoritetin e Konkurrencës, që për herë të parë udhëhiqet nga një grua. Ky institucion ka rëndësi të madhe në mbrojtjen e konkurrencës së lirë dhe efektive në vend. Rëndësia e tij rritet edhe më shumë tani që po përballemi me një periudhë inflacioni.
E nga sot, me miratimin e Projektligjit për Provimin e Jurisprudencës, për herë të parë këtij provimi do të mund t’i nënshtrohen edhe kandidatë nga trojet tjera shqiptare, duke përfshirë ata nga Presheva, Medvegja dhe Bujanoci.
E këtë lajm e ka mirëpritur edh kryetari i Këshillit Kombëtar Shqiptar, Ragmi Mustafa i cili është shprehur :
🇽🇰 Një lajm i mirë.
Edhe shqiptarët e Luginës me mundësi të barabartë në jurisprudencën e Kosovës .✌️
Për herë të parë mund t’i nënshtrohen provimit të jurisprudencës edhe kandidatë nga Presheva, Medvegja dhe Bujanoci.
Miratimi i Projektligjit për Provimin e Jurisprudencës në Kuvendin e Republikës së Kosovës është mundësi e hap përpara kundrejt pamundësive të pamerituara ndaj gjithë juristëve të diplomuar në universitetet e Kosovës.
/Nacionali/
No Comment