Gjatë ditës së sotme, Këshilli i Shkollës fillore ,,Muharrem Kadriu” Tërnoc, ka mbajtur mbledhjen e radhës,në të cilën ishin paraparë dy pika të rendit të ditës.
Pika e parë: procesverbali nga mbledhja e kaluar.
Pika e dytë: propozimi i emrit të drejtorit me mandat 4 vjeçar.
Pas aprovimit të pikës së parë, në diskutim u fut edhe pika me interes të veçantë për Sh. F “Muharrem Kadriu” në Tërnoc, atë të votimit për drejtorin e ardhshëm të këtij institucioni.
Për këtë pozitë ishin paraqitur dy kandidat,
Naser Zairi profesor i gjuhës shqipe si dhe Imran Shabani profesor i artit Figurativ.
Këshilli i shkollës pas diskutimit, hodhi në votim emrat e dy kandidatëve dhe me shumicë votash, ky Këshill i dha përkrahjen profesorit Imran Shabani.
Votat ishin si vijon:
Imran Shabani 6 për dhe 2 kundër
Naser Zairi 3 për 5 kundër.
Nga 9 anëtarë sa numëron ky Këshill, të pranishëm ishin 8.
Vlen të theksohet se ditë më parë është mbajtur edhe mbledhja e këshillit të arsimtarëve të cilët dhanë pëlqimin për drejtor ku
Naser Zairi mori 35 vota,
Imran Shabani 36 vota,
8 vota abstenim .
Pëlqimin për Drejtor të shkollave e ka në kompetenca të saj edhe Këshilli Nacional Shqiptarë.
Kurse vendimin përfundimtar do e sjellë Ministri i Arsimit.
/Nacionali /
No Comment