Gjatë ditës së djeshme, kryetari i Këshillit Kombëtar Shqiptar, Ragmi Mustafa e uroi kryetarin e Kuvendit të Republikës së Kosovës, z.Glauk Konjuca për marrjen e detyrës së re, dhe i shprehu gatishmërinë për bashkëpunim me kapacitetin e plotë të KKSH në trajtimin e çështjes së shqiptarëve të Luginës së Preshevës
Më poshtë gjeni telegramin e plotë
Përshëndetje,
I nderuari kryetar i Kuvendit Republikës së Kosovës, z. Glauk Konjufca
Më lejoni që në emrin tim personal dhe në cilësinë e kryetarit të Këshillit Kombëtar Shqiptar në Serbi, të përcjellë urimet më të sinqerta në zgjedhjen Tuaj si kryetar i Kuvendit të Republikës së Kosovës.
Urojë suksese në udhëheqjen e legjislaturës së VII dhe hapjen e një dimensioni të ri të institucionit më të lartë të Republikës së Kosovës.
Jam shumë besimplotë që në agjendën Tuaj të mer vëmendjen e merituar edhe Lugina e Preshevës (komunat Preshevë, Bujanoc e Medvegjë). Një qasje sa serioze po aq strategjike e munguar në trajtimin e çështjes së shqiptarëve të Luginës.
Më lejoni që në këtë drejtim të vejë në dispozicion të gjitha kapacitet e Këshillit Kombëtar Shqiptar. Sepse ka ardhur dita që bashkërisht të nxisim komunikim ndër institucional e institucionalisht të ndërlidhim Luginën e Preshevës me Republikën e Kosovës.
Shpresoj që në të ardhmen sa më të afërt të realizojmë takim të përbashkët dhe të shqyrtojmë mundësitë e bashkëpunimit.
Urime e suksese
Me respekt
Kryetari i Këshillit Kombëtar Shqiptar
Ragmi Mustafa
No Comment