Puna e deritashme dhe planet e vitit 2020 të Komisionit për Informim në kuadër të KKSH

“… Do mundohemi që në kuadër të Komisionit për Informim të ngremë nivelin e informacionit shqip, dhe të fillojmë që sadopak të kontribuojmë në informimin e drejt e të saktë, duke u larguar nga “fakenews” që janë bërë trend i kohëve të fundit… ” thotë ndër të tjera kryetarja e Komisionit për Informim në kuadër të Këshillit Kombëtar Shqiptar, znj.Ardita Saqipi

Nacionali.info: Si e vlersoni për një viti funksionimin e Komisionit tuaj që e drejtoni në kuadër të Këshillit Kombëtar Shqiptar?

Pasur parasysh përgjegjësitë dhe rolin që ka Këshilli Kombëtar Shqiptar për per shqiptarët në Luginë të Preshevës , mendoj që ka qenë një vit me plot aktivitete te rëndësishme në interes të shqiptarëve nga të fushat që ngerthen KKSH , e konkretisht ne fushen e informimit. Vlen te theksohet se këtë vit kalendarik KKSH ka ndare mjete për të gjitha fushat që ka ingerenca ky institucion e në veçanti në fushën e informimit. Do mundohemi që në kuadër të Komisionit për Informim të ngremë nivelin e informacionit shqip, dhe të fillojmë që sadopak të kontribuojmë në informimin e drejt e të saktë, duke u larguar nga “fakenews” që janë bërë trend i kohëve të fundit.

Çka konsideroni me prioritet në kuadër të Këshillit Kombëtar Shqiptar dhe Komisionit që drejtoni?

Atëherë kur jemi tek roli dhe rëndësia e veçantë e Komisionit për informim vlen te theksohet se KKSH tani ka portalin e saj qe ka filluar me punë brenda muajit dhjetor e qe mbanë emrin Nacionali.info.
Ne kuader të këtij portali informativ do të sigurohen lajme dhe aktivitete ditore pa anashkaluar edhe intervista ekskluzive madje dhe opinione të ndryshme, nga autorë e gazetar profesionistë . Si prioritet patjeter e shohim edhe jetesimin dhe funksionimin e revistës Nacionali e cila eshte edhe rezultat i parë ne fushën e informini duke vazhduar gradualisht ne synim të informimit të drejtë . Mos të harrojmë se prioritete në këtë fushë ka shume e që në periudhën vijuse do prezantohen.

Cilat janë planet për vitin 2020-të?

Fillimisht uroj që vitin që po e presim te jetë vit i sukseseve krahas vitit që po e lëmë pas. Pas hartimit te strategjise së KKSH në bashkëpunim me OSBE, planet janë të shumta duke krijuar ura bashkepunimi me gjithë mekanizmat e nevojshme nga fusha e informimit,ashtu siç ishte premtuar gjatë kampanjës, ashtu do te vazhdojmë në realizimin e tyre.