Në sallën e Kuvendit Komunal të Preshevës, para një numri të konsiderueshëm dashamirës të librit, u përurua libri i karakterit historik, DARDANO-TROJANËT NGA NEO-NOAH-NUHU DERI TE SHQIPTARËT, i autorit preshevar Orhan Rexhepi.
Pas intonimit të himnit kombëtar u lexua vështrimi kritik i Dr.Ilir Matit, nga moderatori.
Pjesë e diskutimeve ishte aktori i mirënjohur shqiptar, artist i merituar i kombit Mirush Kabashi, i cili pas përshëndetjeve të sinqerta, drejtuar autorit dhe dashamirësve të librit, në mënyrë të shkëlqyeshme e recitoi poemën “Jam shqiptar” të Mitrush Kutelit.
Më pas u lexuan edhe dy telegram urime nga Pino Damiani, nga Milano dhe të Kazakis Kostas nga Athina.
Në fund para auditorit fjalën e mori autori i librit z. Orhan Rexhepi, i cili i falënderoi të pranishmit në sallë dhe kërkoi nga ta që t’i shtrojnë pyetje lidhur me librin, të cilat autori iu përgjigj pa hezitim.
Pyetje autorit i shtruan:Shkodran Ismaili, Enver Sahiti, Sadri Qazimi, Havçe Hasani, Ragmi Mustafa, Ardita Sinani dhe Reshat Neziri.
Vlen të thjeksohet se në mesin e artëdashësve ishte shkrimtari i mirënjohur Mexhid Mehmeti, dhe figurat politike: kryetari i PDSH, Ragmi Mustafa, Ardita Sinani dhe z’v. kryetari i KKSH-së Enver Mehmeti.
No Comment