Semimaturantët në fund të vitit do t’i nënshtrohen provimit final sipas modelit të ri, ndërsa plotësisht ndryshe do të jetë edhe kontrollimi i testeve të tyre, ka deklaruar ministri i arsimit Mlladen Sharqeviç për “Vecernje novosti”,transmeton nacionali.info
Është duke u përgatitur modeli i ri i maturës së vogël (semimaturës), sipas së cilës detyrat nga matematika dhe gjuha serbe gjegjësisht gjuhës amtare, do të duhej të mbeteshin të ngjashme me të tanishmet, ndërsa ndryshe do të dukej testi i tretë.
“Me siguri nuk do të mbetet testi i kombinuar nga fizika, kimia, biologjia, historia dhe gjeografia, por do të ofrohen dy ose tre teste të ndryshme, ndërsa fëmijët do t’i zgjedhin sipas prirjeve dhe interesave të tyre gjatë shkollimit të mëtutjeshëm”, ka deklaruar Sharqeviç.
Siç ka shtuar ai, modeli përfundimtar akoma nuk është definuar, përderisa ekipi i profesionistëve është duke punuar në të.
“Risia e dytë është mënyra e kontrollimit të testeve prej së cilës në masë të madhe dëshirojmë të largojmë faktorin njeri. Testet e bëra do të skenohen dhe kontrollohen automatikisht, me ndihmën e softuerit i cili është në përpunim”, ka deklaruar Sharqeviç dhe ka shtuar që qëllimi është sa më shumë të zvogëlohet mundësia e manipulimit, shtimi i pikëve, gabimi në notim.
Ministri ka lajmruar edhe ndryshimet në shtypjen (printimin) e testeve sipas së cilave në Institutin për Vlerësim të Kualitetit të Edukimit do të formohet shtypshkronja puna e së cilës do të jetë shtypja e provimit final, përfundon “Vecernje Novosti”, përcjellë nacionali.info.
No Comment