Shkrimtari me prejardhje nga Lugina e Preshevës, përkatësisht nga Letovica e Bujanocit, Adnan Mehmeti, këto ditë botoi librin me titull “Autor dhe vepra”.
Librin në fjalë e ka botuar Shtëpia Botuese, ADRIADIC PRESS, në të cilin, përpos biografive, autori ka prezantuar disa nga punimet e 113 autorëve të kësaj Shoqate, të cilët jetojnë dhe veprojnë në Shtetet e Bashkuara të Amerikës.
Në këtë libër autorët janë prezantuar në të gjitha gjinitë të cilat ata i lërojnë, si në poezi, prozë dhe studime letrare. Autori për lexuesit sjell edhe shënime të sakta biografike si dhe fotografi, gjë që paraqet një aspekt të rëndësishëm edhe për studiuesit, të cilët mund të njihen me jetën dhe veprimtarinë e krijuesve shqiptarë që, për aryse të ndryshme, kënd më herët e kënd më vonë, valët e jetës i sollën në SHBA.
Gjeografia e autorëve të prezantuar në këtë libër përfshin të gjitha viset shqiptare, prej nga vijnë autorët. Ata janë nga Shqipëria, Kosova, Maqedonia e Veriut, Mali i Zi e deri në Luginën e Preshevës.
Pak biografi
Adnan Mehmeti, lindi më 15 korrik 1964 në fshatin Letovicë, komuna e Bujanocit. Diplomoi në Universitetin e Prishtinës , dega Letërsi dhe Gjuhë Shqipe.
Ai botoi këto vepra: “Bota e mendimeve”, Aforizma, “Arbri”, Tiranë, 1996, “Diellin e kam futur në xhep”, Poezi, “P.S.H.”, Tiranë, 2001, “Ikje nga vetmia”, Poema, “Marinaj Publishing”, Dallas, 2004, “Leave the door open”, Poezi në anglisht, “Adriatic Press”, New York, 2005, “Gjekë Marinaj, më shumë se poet”, Publicistikë, “Adriatic Press”, Neë York, 2007, “Deti në mes”, Poezi,“Adriatic Press”, New York, 2008, “Ndajfoljet e vendit”, Poezi të zgjedhura,“Ada”, Tiranë, 2001, “Amidst”, Poezi në anglisht,“Tate Publishing”, Oklahoma, 2015, “Simfonia e udhëtimeve nëpër kontinent”, Udhëpërshkrime, “Faik Konica”, Prishtinë, 2016, “Shoqata e Shkrimtarëve Shqiptaro-Amerikanë – Aktivitete dhe krijimtari”, Monografi, Adriatic Press, NewYork, 2016.
Adnan Mehmeti aktualisht është President i Shoqatës së Shkrimtarëve Shqiptaro Amerikanë dhe kryeredaktor i revistës “Pena”.
/Nacionali/
No Comment