Aktivitetet e realizuara nga Shoqata Kulutrore ”Dituria” në Bujanoc gjatë vitit 2019

Shoqata Kulturore “Dituria” – Bujanoc  është njëra nga Shoqatat më aktive që vepron në Bujanoc, duke promovuar vlerat njerëzore dhe duke u munduar që përmes organizimeve të shumta me të rinjë të paraqes dhe përmirësoj gjendjen në të cilën gjendet rinia e Luginës së Preshevës, në këtë rast e Bujanocit.

Ajo gjatë ditës së sotme ka publikuar edhe aktivitetet që ka realizuar në vitin 2019.

Më poshtë gjeni listën e publikuar nga organizata:

Janar, 2019 – Ndihmë për aplikim maturantëve për Bursë studentore nga Turkiye Burslari në Republikën e Turqisë. Shoqata ynë ka ndihmuar 10 maturantë nga Komuna e Bujanocit. Nga kjo ndihmë që e kemi bërë Selvije Zeqiri studente që tani vijon studimet në Edrene të Republikës së Turqisë.

Janar – Shkurt 2019, Ligjerata javore me Mr.Nexhmedin Ademi me nxënës dhe aktivistë të shoqatës Dituira.

Mars – 2019, Realizimi i filmit dokumentar – “Ruajtja e traditës së valleve burimore në Luginë të Preshevës”. I cili u mundësuar nga Ministria e Kulturës dhe Informimit të Republikës së Serbisë dhe Këshillit Kombëtar Shqiptar.

Mars – 2019, Me iniciativë të aktivistëve Shoqata Kulturore Dituria dega në Bujanoc, e shfaqi filmin dokumentar “Ruajtja e traditës së valleve burimore të Luginës së Preshevës” tek Shkolla e mesme “Sezai Surroi” në Bujanoc

Prill – 2019, Shoqata Kulturore Dituria, shënon ditën ndërkombëtare të Librit dhe Autorit më
23 Prill me një sërë aktivite si në Preshevë ashtu edhe në Bujanoc. Në këtë ditë është realizuar një panel diskutimi në ambientet e degës së shoqatës në Bujanoc, ku morën pjesë kryetari i Këshillit Nacional, z. Ragmi Mustafa, profesori në pension z. Bejzad Abdullahu profesor i pensionuar, dhe drejtori i shoqatës z. Nexhmedin Ademi. Në fund të këtij aktiviteti u shpërndanë libra për qytetarët nga aksioni: “Dhuro ose merr një libër”.

Prill – 2019, Me iniciativën e përbashkët të Shoqatës Kulturore “Dituria” në Bujanoc dhe Qendra për Mbrojtjen dhe Ndihmën për Azilkërkuesit (APC), organizuam një takim mes refugjatëve dhe aktivistëve të shoqatës sonë. Refugjatët nga Irani dhe Afganistani ndanë me ne problemet gjatë qëndrimit në vendet e tyre dhe udhëtimi deri tek qyteti i Bujanocit në Serbi, gjithashtu edhe planet e tyre deri tek vendet perendimore.

Maj 2019, organizuam një ekskursion me 50 aktvistë të Shoqatës Kulturore “Dituria” dega Bujanoc në qytetin e Ohrit të Maqedonisë veriore.

Maj 2019, Ligjërata javore të rregullta për nxënësit në muajin Ramazan në Shoqatën Kulturore Dituria në Bujanoc, me Selim Zeqirin.

Maj 2019, Bashkë me aktivistët e Shoqatës Kulturore “Dituria”, morrëm iniciativën për grumbullimin e veshë mbathjeve të cilët menduam t’i dhurojmë në kampin e refugjatëve që është në Bujanoc.

Maj 2019, Diaspora shtron iftar për 50 studentët dhe nxënësit e shkollave të mesme në Bujanoc. Dhe Iftari i shtëpisë me aktivistë të shoqatës. Sofra e ramazanit shtrohet edhe një herë nga Sh. K. “Dituria”. Këtë herë nën mirësinë dhe bereqetin e këtij muaji të bekuar në sofrën e iftarit të ramazanit u ulën nxënësit e shkollave të mesme dhe studentëve që studiojnë në trojet shqiptare. Shumica e tyre ishin aktivistë dhe të tjerë që prezantuan në këtë iftar.

Maj – Qershor 2019, Aksioni i aktivistëve të shoqatës “Dituria” për grumbullimin e veshë mbathjeve vazhdoi. Aksionit ju bashkëkua edhe një afarist të një butiku që dëshiroj të mbetet anonim në prag të festës së Fitër bajramit dhuroj rroba të reja për njerëz në nevojë.

Qershor 2019, SHOQATA KULTURORE “DITURIA” NË BASHKËPUNIM ME FONDACIONIN “RUMELI VAKFI” ORGANIZOI EKSKURSIONIN ME NXËNËS AKTIVIST NË STAMBOLL TË TURQISË. Nga data 23 deri 28 të muajit qershor, Shoqata Kulturore “DITURIA”, organizoi me nxënës të shkollave të mesme, gjimnazi “Skënderbeu”, shkolla e mesme teknike “Teknika” në Preshevë dhe gjimnazi “Sezai Surroi”, në Bujanoc ekskursionin në Republikën e Turqisë.

Qershor 2019, Shoqata Kulturore Dituria dega në Bujanoc në bashkëpunim me Qendrën për Mbrojtjen dhe Ndihmën për Azilkërkuesit (APC) nga Beogradi, sot në shtëpinë tonë, pritëm refugjatët nga Irani që janë strehuar në qendrën për azilkërkues në qytetin e Bujanocit. Aktivistët dhe mysafirët tanë përgatitën ushqime të ndryshme, ku u shkëmbyen kultura dhe tradita të ushqimeve.

Qershor – Shtator – Tetor 2019, Iniciativa e rradhës së grupit të aktivistëve të Shoqatës Kulturore “Dituria” dega Bujanoc janë aktivitetet edukative interne në mes grupit. Gjatë këtyre aktiviteteve interne janë realizuar seanca edukative, grupi i ka zgjedhur disa tema të caktuara që ka pas efekt pozitiv në grupin e aktivistëve.
Temat që janë realizuar deri më tani janë:
– Bulizmi
– Stereotipet
– Shkolla inkluzive – Integrimi i fëmijëve me nevoja të veçanta në shkollat të rregulltë
– Autizmi
– Jeta dikur dhe sot
– Problemet e të rinjëve
– Arti dhe influenca e tij në shoqëri
– Adoleshenca – Braktisja e shkollave nga adoleshentët

Tetor 2019, Në shkollën fillore “Naim Frashëri” në Bujanoc, organizuam temën “Bulizmi” i cili u realizua nga aktivistët Loriki dhe Drinori për nxënësit e klasave të shtata të kësaj shkolle.

Tetor 2019, Në lokalet e Shoqatës Kulturore “Dituria” në Bujanoc, u përurua libri me poezi i autorit Harbin Veseli, me titull “Fjalë të vona”, përgatitur për shtyp nga Shoqata e Shkrimtarëve “Feniks” (Preshevë, Bujanoc dhe Medvegjë).

Nëntor 2019, Në fillim të muajit nëntor filluam me praktikimin e debateve mbrenda grupit të aktivistëve rreth temave të ndryshme. Temat që u debatuan deri tani janë:
Lënja e orëve të mësimit,
Leximi i librave
Paragjykimet.
Lënja e vendit
Barazia gjinore

Nëntor 2019, – Shikimi i filmit “Nëntori i dytë” në ambientin e Sh.K”Dituria” Bujanoc.

Dhjetor 2019, Në Shkollën fillore “Naim Frashëri” në Bujanoc para nxënësve të klasëve të shtata dhe të teta, aktivistet Blendina dhe Aulona nxënëse të shkollës së mesme “Sezai Surroi” dega mjekësi prezentuan temën: “Informimi mbi personat me nevoja të veçanta”.

Nëntor – Dhjetor 2019, – Ligjeratat fetare e Mr.Nexhmedin Ademi (çdo të Mërkurë, ora 13:00)

05. Dhjetor.2019 – Dita ndërkombtare e vollentarizmit.

Dhjetor 2019, Para 60 nxënësve dhe studentëve nga Shqipëria, Beligjika dhe Holanda, i prezentuam aktivitet tona të realizuara gjatë vitit 2019.

Faleminderit për mbështetjen tuaj..