Ardita Sinani me anëtaret e kryesisë së PVD-së vizitë në disa Ministri dhe në Parlamentin e Republikës së Kosovës.
znj.Sinani në profilin e saj në facebook ka shkruar:
Vizita jonë filloi me Ministren e Drejtësisë znj. Albulena Haxhiu, në Ministrinë e Kulturës, Rinisë dhe Sportit u takuam me ministren znj. Vlora Dumoshi, në Ministrinë e Arsimit, Shkencës dhe Teknologjisë me ministren znj. Hykmete Bajrami dhe përfunduam vizitën në Parlamentin e Republikës së Kosovës me kryeparlamentaren znj. Vjosa Osmani.
Diskriminimi permanent në çdo sferë të jetës, mos implementimi i marrëveshjeve nga Beogradi zyrtar, mos integrimi i shqiptarëve në institucione shtetërore, papunësia në shkallën më të lartë, mos njohja e diplomave, problemet me tekstet shkollore dhe shumë probleme me rëndësi jetike që po shkaktojnë largimin e të rinjve nga Lugina ishin temë e takimeve.
U bisedua për pozitën e shqiptarëve në Luginë që ditë e më shumë shqiptarët e kësaj treve po përballen me shpërnguljen masive dhe spastrimin ne heshtje sidomos kohëve të fundit më aktuale është pasivizimi i adresave.
Kërkesat tona ishin që të përkrahen aktivitetet kulturore, bibliotekat, donacionet në sferën e kulturës.
Ndërsa theks i veçantë në Ministrinë e Arsimit ndër të tjerave ishte edhe rritja e kuotave të studentëve për regjistrim në fakultete shtetërore, kuotat për pranim në konvikte, mundësia e donacioneve nëpër shkolla.
Çështja e shqiptarëve të Luginës të vendoset në prioritet dhe të jetë pjesë e dialogut, pikërisht për shkak të degradimit të skajshëm të pozitës së shqiptarëve në Serbi.
/Nacionali /
No Comment