Gjatë ditës së sotme, tanimë kryetarja Ardita Sinani ka marrë edhe zyrtarisht detyrën e re si kryetare e Komunës së Preshevës.
Ajo përmes një postimi në faqen e saj në Facebook ndër tjerash ka thënë:”qeverisja jonë e re është e përkushtuar për vazhdimin e punëve të mira dhe ndalimin e vendimeve të dëmshme, si dhe për fillimin e reformave gjithëpërfshirëse.
Presheva bëhet bashkërisht.”
Ajo ka kritikuar edhe mos praninë e ish kryetarit të kësaj komune, Shqiprim Arifi në ceremoninë e pranim dorëzimit duke u shprehur: Sot, në shoqërimin e Zëvendës kryetarit të Komunës, z.Ragmi Mustafa dhe të kryetarit të Kuvendit Komunal, z.Sami Salihu; me bashkëpunëtorë, fillova zyrtarisht detyrën e kryetares së Komunës së Preshevës.
Më vjen keq që ish-kryetari i Komunës nuk mori pjesë në pranim-dorëzimin e detyrës dhe të dokumentacionit teknik e administrativ. E kuptoj egon personale dhe qëllimin për ta vështirësuar punën e zyres së Kryetares së Komunës. Por, pranim-dorëzimi nuk është çështje shtrëngim duarsh.
Pranim-dorëzimi është kulturë (e vazhdimësisë) institucionale dhe tregues i potencialit tonë demokratik. Shprehje se e duam Preshevën, interesin e saj publik dhe qytetar, më shumë se veten.”
Pranim-dorëzimi është kulturë (e vazhdimësisë) institucionale dhe tregues i potencialit tonë demokratik. Shprehje se e duam Preshevën, interesin e saj publik dhe qytetar, më shumë se veten.”
Kujtojmë që Ardita Sinani u zgjodh ditën e djeshme nga Kuvendi Komunal në Preshevë, me 22 vota pro për kryetare të kësaj komune.
No Comment