Një grup bashkatdhetarësh që jetojnë dhe punojnë në Austri kanë mbledhur një donacion për SHKA “Presheva” në Preshevë.
Duke e ditur mirëfilli se kjo Shoqëri Kulturo -Artistike përballet me vështirësi sa i përket mjeteve materiale, siç janë shumica e OJQ-ve në komunën tonë, e posaqërisht kjo shoqëri sa i përket blerjes së instrumenteve muzikore, veshjeve kombëtare dhe çdo gjë që e kompleton një orkestër të mirëfilltë, atëherë kjo ndihmë vjen në kohë dhes ituatën e duhur.
Kjo ndihmë është me shumë prej 800 eurove.
Për këtë gjest human SHKA “Presheva” me udhëheqësinë e saj i falënderon përzemërsisht për ndihmën e dhënë, të cilën e kanë postuar për opinion:
“Duke e percjellur aktivitetin tonë, dhe duke u ndier krenar me Sh.K.A “Presheva”, sot na gëzoi një ndihmë që na erdhi nga bashkatdhetarët tanë preshevarë që jetojnë dhe punojnë në Austri. Në emër të të gjithë anëtarëve të shoqërisë, duke e çmuar lart gjestin e madh që kanë bërë, duke ndihmuar të vetmen shoqëri muzikore, që 1 vit të plotë prezentoi Preshevën me dinjitet duke i sjellur shumë çmime vendit tonë, unë dua t’i falënderoj përzemërsisht për ndihmën që kanë mbledhur për të ndihmuar këtë shoqëri.
Shoqëria jonë ende s’ka arritë t’i kompletoi gjitha mjetet e nevojshme pa të cilat nuk arrihet puna e suksesshme, por me këto mjete që morëm sot, sado kudo na e kanë lehtësuar shumë që të plotësohemi teknikisht edhe më tepër. Zoti u dhashtë shëndet për këtë që jeni kujtuar vetë, pa u kërkuar fare. Faleminderit shumë vëllezer bashkatdhetarë”.
/Nacionali/
No Comment