Arsimtarët e Sh.F.”Muharrem Kadriu” votojnë për zgjedhjen e drejtorit të ri (rezultatet)

Gjatë ditës së sotme në shkollën fillore ,,Muharrem Kadriu” në Tërrnoc, është mbajtur mbledhja e këshillit të arsimtarëve.
Ndër pikat e rendit të ditës për diskutim ishte edhe votimi për drejtorin e ri.
Në këtë mbledhje është votuar për drejtor të rregullt me mandat 4 vjeçar sipas konkursit që është shpallur më herët.
Për këtë detyrë, në votim dolën dy kandidat të cilët i kishin plotësuar kushtet e parapara me ligj, edhe atë si vijon :
Naser Zairi – Profesor i Gjuhës Shqipe, Imran Shabani- Profesor i Artit Figurativ.

Në shkollën fillore ,,Muharrem Kadriu” në Tërrnoc në votim kishin marrë pjesë 79 pjestarë të Këshillit të Shkollës.
Pas votimit kandidatët morën numrin e votave si në vijim :
Imran Shabani mori 36 vota,
Naser Zairi mori 35 vota,
Të pavlefshme ishin 8 vota .

Pas përfundimit të mbledhjës së këshillit të arsimtarëve, ditët në vazhdim mbledhje do të mbajë edhe Këshilli i Shkollës, i cili është i përbër prej 9 anëtarëve(3 anëtarë të prindërve, 3 anëtarë të shkollës si dhe 3 anëtarë të Këshillit Kombëtar Shqiptar).
Vlen të theksohet se votat e kolektivit të shkollës nuk kanë fuqi për ta zgjedhur drejtorin e ri por vetëm japin pëlqimin për kandidatët që ata mendojnë se do të duhej të udhëhiqnin me shkollën.
Pas kësaj, sipas procedurës mendimin për zgjedhjen e drejtorit të ardhshëm për Shkollën Fillore “Muharrem Kadriu” e jep edhe Këshilli Kombëtar Shqiptar.
Kurse mandatin për ta zgjedhur drejtorin e rregullt e ka Ministria e Arsimit, gjegjësisht ministri i arsimit, i cili pritet ta marrë vendimin përfundimtar.